ʻOku ʻi ai ha founga foʻou ke maʻu ai hoʻo VCE
Ko e VCE Vocational Major (VCE VM) ko ha polokalama ako ia taʻu ʻe ua ko e konga ʻo e VCE.
Te ke maʻu ai ʻa e pōtoʻi ke ngāue mo e moʻui mo e taukei ʻi he malaʻe ʻe taha pe lahiange, pea ʻosi mei he akó mo ha faingamālie ngāue.
ʻE ʻaʻahi ʻe hoʻo kau faiakó hoʻo fakalakalaká fakafou ʻi ha ngaahi ngāue kehekehe. Ko hoʻo siví pē ʻa e General Achievement Test (GAT) (Konga A pē)
Ko e ʻēlia ako ʻe fā ʻo e VCE VM ʻoku ngāueʻaki ai ha founga kehe ia ke faiʻaki hano fakafuofuaʻi ʻa e ngaahi ako VCE kehé. Ko e fakafuofuaʻi ko ení ʻoku fakakakato ia ʻe hoʻo faiakó ʻi he kalasí, ʻa ia te ne tokoniʻi koe ke ke aʻusia ʻa e ngaahi fiemaʻú.
Ko e ngaahi lēsoni VCE VM ʻoku ʻikai kenau maʻu ha fakamaaka, ʻa ia heʻikai lau ia ki he ATAR.
Ko e VCE VM ko ha fili lelei ʻaupito ia kapau ʻoku ke fakakaukau ke ako ʻi ha ʻātakai māmani-moʻoni pea ʻikai fiemaʻu ha ATAR.
Vahavahe atu ʻa e peesi ko ení ʻi he WhatsApp
Ko fē ʻe lava ke ʻave koe ki ai ʻe he VCE VM
Ko e VCE VM ʻe tokoni ia ʻi hoʻo teuteu ki he:
- ako ki ha pōtoʻi ngāue pe akongāue
- ako lahiange mo e ako ki ha faʻahinga pōtoʻi ngāue
- ʻunivēsití, ʻo fakafou ʻi ha polokalama faingamālie hū
- ʻalu hangatonu ki he ngāueʻangá.
Ko hoʻo ngaahi lēsoni fili VCE VM
Ke fakakakato ʻa e VCE VM, ʻe fiemaʻu ke ke lavaʻi lelei hono fakakakato ʻa e foʻi ʻiuniti ʻe 16. ʻOku fiemaʻu ke kau heni ʻa e:
- Ko e ʻiuniti VCE VM Lautohi pe ʻiuniti VCE faka-Pilitānia ʻe 3 (kau ai ʻa e ʻiuniti 3 mo e 4 hokohoko)
- Ko e ʻiuniti VCE VM Fika pe VCE Matiketika ʻe 2
- Ko e ʻiuniti ʻe 2 VCE VM Related Skills
- Ko e ʻiuniti ʻe 2 ʻo e VCE VM Personal Development Skills
- Ko e ʻiuniti kehe ʻe tolu hokohoko ʻo e ʻIuniti 3 mo e 4 ʻa hoʻo fili pē ʻaʻau
- Ko e VET ʻi he Setifikeiti lēvolo II pe ʻi ʻolunga ai (houa angamaheni ʻe 180)
ʻE toe lava ke ke fakamoleki ʻa e taimi ʻo e ako ʻi ha ngāueʻanga ko e konga ia hoʻo VET. ʻOku ʻiloa eni ko e Structured Workplace Learing Recognition.
ʻE lava ke ke toe tānaki atu ha toe ako VCE kehe ki hoʻo polokalama VCE VM.
Ko e meʻa teke maʻú
ʻI he taimi ʻe ʻosi ai hoʻo akó, te ke maʻu ʻa e:
- ha Līpooti ʻo e Ngaahi Ola mei he VCAA
- ko ha Līpooti ʻo e Lavameʻa mei hoʻo ako ngāue VET (kapau naʻá ke fakakakato ha ngaahi ʻiuniti VET)
- ko hoʻo tuʻunga fakaako VET (kapau naʻá ke fakakakato ha taha)
- ko hoʻo Victorian Certificate of Education ʻe tānaki atu ki ai ʻa e kupuʻi lea Vocational Major
Ko e fānau ako naʻe ʻika kenau fakakakato ha setifikeití tenau maʻu ha Student Achievement Profile ʻa ia ʻe fakamāʻopoʻopo ʻa e lisi kotoa ʻo ʻene ngaahi lavameʻá.
Ko e halafononga ʻa Kamala ki he VCE VM (Kamala’s VCE VM pathway) - lea faka-Tonga (Tongan)
Ko e fakatātā ʻo ha tokotaha ako ʻa ia naʻá ne ako ʻa e VCE Vocational Major.
Fakamatala lahiange
Talanoa ki hoʻo tokotaha faleʻi ngāue ʻi he ʻapiakó ke ʻiloʻi pe ko e VCE VM ʻoku feʻunga kia koe.
Ko e ngaahi halafononga kehé
Fekauʻaki mo e Victorian Certificate of Education (VCE) (About the Victorian Certificate of Education) - lea faka-Tonga (Tongan)
Ako lahiange fekauʻaki mo e Victorian Certificate of Education (VCE) mo e feituʻu ʻe lava ke ʻave koe ki aí.
Fekauʻaki mo e Setifikeiti Victorian Pathways (About the Victorian Pathways Certificate) - lea faka-Tonga (Tongan)
Ako lahiange fekauʻaki mo e Victorian Pathways Certificate mo e feituʻu ʻe lava ke ʻave koe ki aí.
Updated