Ko e Victorian Pathways Certificate (VPC) kuopau ke kau ia, ka ʻokú ke fili tauʻatāina pē ke fakakakato hoʻo akó.
ʻOku tisaini eni maʻae fānauako ʻa ia ʻoku, ʻi ha ngaahi ʻuhinga kehekehe, ʻikai malava pe maau ke fakakakato ʻa e VCE pe VCE VM.
Ko e VPC ʻoku angamaheni pē ke fakakakato ia ʻi he Kalasi 11 mo e 12, ka ʻe lava pē ke kamata tōmuʻa pe fakaʻosi ia ʻi ha vahaʻa taimi ʻo lōloange ʻi he taʻu ʻe uá. ʻE lava ke ke fokotuʻutuʻu ʻa e taimi lelei taha maʻau ke ke kamata ai pea fakaʻosi ʻa e VPC mo hoʻo ʻapiakó.
Ko e ngāue ʻa e fānaú ʻoku lava ke fakahoko ia ʻi ha lēvolo faingamālie lahiange ia ʻi he VCE mo e VCE VM. ʻE ʻaʻahi ʻe hoʻo kau faiakó hoʻo fakalakalaká fakafou ʻi he ngaahi ngāue ʻi he lokiakó.
Ko e VPC ʻoku ʻikai ko ha fili ia maʻae fānauakó kotoa pea ʻe fokotuʻu atu ʻe hoʻo ʻapiakó ke ke aʻusia ʻa e ngaahi fiemaʻu ʻa e tokotaha ako takitaha, pea ʻi he fengāueʻaki mo e tokotaha akó, mātuʻá mo e ʻapiakó.
Vahavahe atu ʻa e peesi ko ení ʻi he WhatsApp
Ko fē ʻe lava ke ʻave koe ki ai ʻe he VPC
ʻE tokoniʻi koe ʻe he VPC ke mateuteu ki he:
- VCE mo e VCE VM
- lēvolo ke hū ʻa e VET, ʻa ia ʻe lava ia ʻi he TAFE
- ʻalu hangatonu ki he ngāueʻangá
- ko ha akongāue pe ako ha faʻahinga taukei fakangāue.
Ko hoʻo fili hoʻo lēsoni VPC
ʻE fiemaʻu ke ke fakakato ʻa e ʻiuniti ʻe 12 pe lahiange, kau ai ʻa e:
- ʻIuniti VPC Literacy ʻe 2 (pe ngaahi ʻiuniti mei he kulupu VCE English kau ai ʻa e VCE VM Literacy)
- ʻIuniti VPC Numeracy ʻe 2 (pe ngaahi ʻiuniti mei he kupulu VCE Mathematics kau ai ʻa e VCE VM Numeracy)
- ʻIuniti VPC Work-Related Skills ʻe 2
- ʻIuniti VPC Personal Development Skills ʻe 2.
Ko e toenga ʻiuniti leva ʻe fā ʻe lava ke haʻu ia mei he ngaahi ʻiuniti VPC kehé pe mei ha VET Setifikeiti I pe lēsoni ʻi ʻolunga hake ai.
ʻE lava ke ke toe fakamoleki ʻa e taimi ke ako ʻi ha ngāueʻanga. ʻE lava ke ke fakatahaʻi ʻa e ʻiuniti VPC mo e VCE pe VCE VM, pe VET ʻi he Setifikeiti lēvolo I pe maʻolunga hake ai.
Ko e anga ʻo e feʻungamālie ʻa e ako vokāsioó mo e ako ngāué ki he Kalasi 11 mo e 12 (How VET fits into Year 11 and 12) - lea faka-Tonga (Tongan)
Ako lahiange fekauʻaki mo e anga ʻo e feʻungamālie ʻa e VET mo e ngaahi ako kehe ʻa e Kalasi 11 mo e 12 ʻi Vikatōliá.
Ko e meʻa teke maʻú
ʻI he taimi ʻe ʻosi ai hoʻo ako VPC, te ke maʻu ai:
- ha Līpooti ʻo e Ngaahi Ola mei he VCAA
- ha Līpooti ʻo e Lavameʻa mei hoʻo TAFE
- hoʻo fakamoʻoni ako VET
- hoʻo Victorian Pathways Certificate.
Maʻae fānauako ʻoku ʻikai kenau fakakakato ʻa e fakamoʻoniako kakató, ʻe ʻi ai ha fakamāʻopoʻopo ʻo e Student Achievement Profile.
Ko e halafononga ʻa Brandon ki he VPC (Brandon's VPC pathway) - lea faka-Tonga (Tongan)
Ko e fakatātā ʻo ha tokotaha ako ʻa ia naʻá ne ako ʻa e Setifikeiti Victorian Pathways.
Fakamatala lahiange
Talanoa ki hoʻo tokotaha faleʻi ngāue ʻi he ʻapiakó ke ʻilo mei ai pe ʻoku feʻunga ʻa e VPC mo koe.
Ko e ngaahi halafononga kehé
Fekauʻaki mo e Victorian Certificate of Education (VCE) (About the Victorian Certificate of Education) - lea faka-Tonga (Tongan)
Ako lahiange fekauʻaki mo e Victorian Certificate of Education (VCE) mo e feituʻu ʻe lava ke ʻave koe ki aí.
Fekauʻaki mo e VCE Vocational Major (About the VCE Vocational Major) - lea faka-Tonga (Tongan)
Ko e VCE he taimí ni ʻoku kau ai ʻa e Vocational Major, ko ha polokalama foʻou ia taʻu ʻe ua ʻoku ʻi loto ʻi he VCE.
Updated