Ako lahiange fekauʻaki mo hoʻo ngaahi fili ʻa e lēsoni ʻi he Kalasi 11 mo e 12.
ʻI hono fili hoʻo ngaahi lēsoni maʻae Kalasi 11 mo e 12, ʻoku mahuʻinga ke fakakaukau ki he meʻa ʻokú ke sai aí mo e meʻa te ke fiefia aí.
Kapau ʻokú ke ʻiloʻi ʻa e meʻa ʻokú ke fiemaʻú ʻi he hili hoʻo ʻosi mei he akó, ʻe lava ke ke fakakau ʻa e ngaahi lēsoni te ne ʻave koe ki hoʻo taumuʻa ko iá.
Kapau ʻoku ʻikai te ke fakapapauʻi, ʻe lava pē ke ke fakakau ʻa e ngaahi lēsoni ʻa ia ʻe lava pē ke fakaʻatā hoʻo ngaahi fili ʻi he kolisí.
Ko e akoʻanga takitaha tenau fakapapauʻi pe ko fē ʻa e ngaahi lēsoni VCE mo e ngaahi fili ako VET tenau tuʻuakí, pea ʻoku ʻikai ke tuʻuaki ʻe he ngaahi akoʻanga kotoa ʻa e ngaahi ako kotoa. Vakaiʻi mo hoʻo ʻapiakó hoʻo ngaahi filí.
Vahavahe atu ʻa e peesi ko ení ʻi he WhatsApp
Ngaahi Fiemaʻú
Kapau ʻokú ke loto ke ʻalu ki he ʻunivēsití, kamata leva ko ha tokotaha akongāue pe ako ʻi he TAFE, ʻoku fiemaʻu ke ke fekumi ki he ngaahi fili ka ke lava ʻo hū. ʻOku ui eni ko e ngaahi fiemaʻu, pea ʻoku kehekehe pē ki he koosi takitaha mo e ngaahi ʻapiakó.
Ko e halafonongá
ʻOku ʻi ai ʻa e halafononga ʻe tolu ʻoku faiangamālie ʻi he Kalasi 11 mo e 12 - VCE, VCE VM mo e VPC. ʻE lava ke ke tānaki atu ʻa e VET ki ha taha pē ʻo e ngaahi halafononga ko ení.
Ngaahi lēsoni VCE mo e VCE VM maʻae Kalasi 11 mo e 12
Pisinisi mo e ʻEkonōmiká
Ngaahi lēsoni fili: Accounting, Business Management, Economics, Industry mo e Enterprise, Legal Studies.
Design mo e Techonologies
Ngaahi lēsoni fili: Agricultural mo e Horticultural Studies, Food Studies, Product Desigh mo e Technology, Systems Engineering.
Naunau Fakatekinolosia
Ngaahi lēsoni filí: Algorithmics (HESS), Applied Computing.
Faka-Pilitānia
Ngaahi lēsoni fili: Lea faka-Pilitāniá, Foundation English, Literature, Literacy (VCE VM fānauako pē), Bridging English ko ha Additional Language, faka-Pilitāniá ko ha Additional Language.
Ako ki he Moʻuleleí mo e Sinó
Ngaahi lēsoni filí: Health mo e Human Development, Outdoor mo e Environment Studies, Physical Education.
Ako ki he Kakaí
Ngaahi lēsoni filí: Australian mo e Global Politics, Classical Studies, Siokālafi, Hisitōlia, Filosofī, Lotu mo e Siasí, Sousolosia, Texts mo e Traditions.
Ngaahi Leá
Ngaahi lēsoni filí: First Languages, Second Languages, Classical Languages, Aboriginal Languages of Victoria, Chinese Language, Culture mo e Society, CCAFL.
Fika Matiketika
Ngaahi lēsoni filí: Ngaahi lēsoni filí: Foundation Mathematics, General Mathematics, Mathematical Methods, Specialist Mathematics, Numeracy (VCE VM ko e fānauakó pē).
Performing Arts
Ngaahi lēsoni filí: Dance, Drama, Music, Theater Studies.
Saienisi
Ngaahi lēsoni filí: Biology, Chemistry, Environmental Science, Physics, Psychology.
Visual Arts
Ngaahi lēsoni filí: Art Creative Practice, Art Making mo e Exhibiting, Media, Visual Communication Design.
Vocational Major
Ngaahi lēsoni filí: Work Related Skills, Personal Development Skills.
ʻI he 2025, ʻe malava ʻe he ngaahi akoʻangá ke ʻoatu ʻa e ngaahi lēsoni ko ení ki he fakalukufua ʻo e fānauako VCE ke fakakau ʻi heʻenau polokalamá, kae ʻikai ko e fānauako pe 'i he VCE Vocational Major.
ʻE lava foki ke ke toe fakakau ʻa e VET ʻi hoʻo VCE, VCE Vocational Major pe VPC.
Ko e anga ʻo e feʻungamālie ʻa e ako vokāsioó mo e ako ngāué ki he Kalasi 11 mo e 12 (How VET fits into Year 11 and 12) - lea faka-Tonga (Tongan)
Ako lahiange fekauʻaki mo e anga ʻo e feʻungamālie ʻa e VET mo e ngaahi ako kehe ʻa e Kalasi 11 mo e 12 ʻi Vikatōliá.
Victorian Certificate of Education (VCE)
Kapau te ke fili ʻa e hala fononga VCE, ʻoku fiemaʻu ke ke fakapapauʻi ʻi he ngataʻanga ʻo e Kalasi 12, kuó ke aʻusia ʻa e kotoa ʻo e ngaahi fiemaʻu ki he VCE. ʻE tokoni atu hoʻo ʻapiakó ki heni.
Ko e ngaahi lēsoni VCE ʻoku vahevahe ia ki he ʻIuniti 1, 2, 3 mo e 4
Ko e ʻIuniti 1 mo e 2 ʻoku faʻa toʻo fakataha maʻu pē ia ka ʻe lava pē ʻo toʻo māvahevahe. Ko e ngaahi akoʻanga ʻe niʻihi ʻoku tuʻuaki ʻa e ʻIuniti 1 mo e 2 ki he fānauako ʻi he Kalasi 10. Ko ha founga lelei eni ke ʻiloʻi pe ʻokú ke saiʻia ʻi he lēsoni ko iá pea ke kamata tokamuʻa ʻi he VCE.
Ko e fānau VCE fakalukufua kuopau kenau fai ʻa e ʻIuniti 3 mo e 4 fakataha ʻi he taʻu tatau maʻa ha faʻahinga lēsoni VCE fakataautaha pē. ʻE lava ʻe he fānau akó kenau fai ʻa e lēsoni ʻi he ʻIuniti 3 mo e 4 ʻi he Kalasi 11.
ʻE fiemaʻu ke ke fakakakato ʻa e ʻiuniti ʻe 16, kau ai ʻa e:
- ʻa e ngaahi lēsoni hokohoko ʻe tolu ʻo e ʻIuniti 3 mo e 4
- ʻiuniti ʻe 3 mei ha lēsoni lea faka-Pilitānia (kau ai ʻa e ʻIuniti 3 mo e 4).
Ko e fānauako tokolahi ʻoku nau fai ʻenau VCE ʻi he taʻu ʻe ua, ʻo fakakakato ʻi he vahaʻa ʻo e ʻiuniti ʻe 20 mo e 24.
ʻOku faʻa ʻuhinga ení:
- Lēsoni 'e 6 ʻo e ʻIuniti 1 mo e 2 ʻi he Kalasi 11 (ʻiuniti fakakātoa ʻe 12)
- Lēsoni 'e 5 ʻo e ʻIuniti 3 mo e 4 ʻi he Kalasi 12 (ʻiuniti fakakātoa ʻe 10).
Fakatātā polokalama VCE
Kalasi 11 (lēsoni ʻe 6 = ʻiuniti ʻe 12)
- Lea faka-Pilitānia ʻIuniti 1 mo e 2 (mei he ngaahi lēsoni lēsoni faka-Pilitāniá)
- Mathematical Methods ʻIuniti 1 and 2
- Business Management ʻIuniti 1 mo e 2
- Saikolosia ʻIuniti 1 mo e 2
- Mītia ʻIuniti 3 mo e 4
- Information and Communications Technology ʻIuniti 1 mo e 2 (lēsoni VCE VET).
Kalasi 12 (lēsoni ʻe 5 = ʻiuniti ʻe 10)
- Faka-Pilitānia ʻIuniti 3 mo e 4 (mei he ngaahi lēsoni faka-Pilitāniá)
- Mathematical Methods ʻIuniti 3 mo e 4
- Psychology ʻIuniti 3 mo e 4
- Business Management ʻIuniti 3 mo e 4
- Information mo e Communications Technology ʻIuniti 3 mo e 4 (lēsoni VCE VET)
Fakakātoá: ʻiuniti ʻe 22 ( kau ai ʻa e ʻiuniti siʻisiʻi taha ʻe 16).
Kapau ʻe liliu hoʻo fakakaukaú hili ko ia hoʻo fakakakato ʻa e ʻIuniti 1 mo e/pe 2 ʻo ha lēsoni, ʻoku 'ikai fiemaʻu ia ke ke hoko atu mo ia ʻi he ʻIuniti 3 mo e 4 ʻi he Kalasi 12.
ʻE toe lava foki ke ke fakakau ʻa e lēsoni VET ʻi hoʻo ako VCE. ʻE ʻoatu heni ha ngaahi taukei ʻaonga ʻi ha ngāueʻanga ʻoku ke mahuʻingaʻia ai pea kamata tokamuʻa ʻi hoʻo halafononga ki he ngāué.
Ke ʻilo lahiange fekauʻaki mo e ngaahi lēsoni ʻa e VCE, ʻaʻahi ki he uepisaiti Victorian Curriculum and Assessment Authorityʻs(opens in a new window).
Fikaʻi ʻo e ATAR
ʻI hono fikaʻi ʻa e ATAR, ko e Victorian Tertiary Admissions Centre (VTAC) faka'avalisi ʻa e maaka akó. ʻE fakaʻatā heni ki hano fakahoa lelei ʻo e lavameʻa ʻa e tokotaha akó ʻi heʻenau akó fakalukufua.
ʻOku fai hono fetukuaki ʻa e fikaʻí ʻo fakatatau ki he moʻoniʻi meʻa ʻoku faingataʻa ange ke maʻu ha maaka maʻolunga ʻi he ngaahi lēsoní VCE ʻe niʻihi ʻi he ngaahi lēsoni kehé. ʻOku ʻikai ʻuhinga eni iá ʻoku nau ʻoku fuʻu mamafa ange pe faingofua ange. Ka koeʻuhí ko e niʻihi ʻo e ngaahi akó ʻokú ne tohoakiʻi mai ha feʻauʻauhi lahiange ʻi he kulupu ʻo e fānauakó.
Ke ʻilo lahiange fekauʻaki mo hono fikaʻi ʻo e ATAR, ʻaʻahi ki he uepisaiti ʻa e VTAC(opens in a new window).
VCE Vocational Major (VCE VM)
Kapu te ke fili ke muimui ʻi he halafononga ʻo e VCE VM, ʻoku fiemaʻu ke ke fakapapauʻi ʻi he ngataʻanga ʻo e Kalasi 12 kuó ke aʻusia kotoa ʻa e ngaahi fiemaʻu ki he VCE VM. ʻE tokoniʻi koe heni ʻe hoʻo ʻapiakó.
ʻE fiemaʻu ke ke fakakakato ʻa e ʻiuniti ʻe 16, kau ai ʻa e ʻiuniti ʻi he:
- VCE VM Literacy pe VCE Faka-Pilitāniá
- VCE VM Numeracy pe VCE Fika Matiketiká
- Ngaahi Pōtoʻi Ngāue Felāveʻi ʻa e VCE VM
- Fakatupulekina ʻo e Ngaahi Pōtoʻi Fakataautaha VCE VM
- Ko e VET ʻi he Setifikeiti lēvolo II pe ʻi ʻolunga ai (houa angamaheni ʻe 180).
ʻE lava foki ke ke toe fakamoleki ʻa e taimi ʻo ako ʻi ha ngāueʻanga ʻoku felāveʻi mo hoʻo ako VET. ʻOku ʻiloa eni ko e Structured Workplace Learing Recognition.
ʻE lava ke ke fakatahaʻi ʻa e ngaahi ʻiuniti ko ení mo e ngaahi lēsoni VCE kehé ke ke lava ai ʻo maʻu ha ngaahi lēsoni fefiohi lelei. ʻOku totonu ke vakaiʻi mo hoʻo ʻapiakó pe ko e hā ʻa e ngaahi lēsoni fetuiaki ʻoku faingamālie ʻi he taimitēpilé.
Ke ʻilo lahiange fekauʻaki mo e ngaahi lēsoni VCE VM, ʻaʻahi ki he uepisaiti ʻa e Victorian Curriculum and Assessment Authority's(opens in a new window).
Ngaahi lēsoni VCE VM Tefitó (VCE VM Core Subjects) - lea faka-Tonga (Tongan)
Ako fekauʻaki mo e ngaahi lēsoni tefito ʻe 4 ʻi he VCE Vocational Major.
Victorian Pathways Certificate (VPC)
Ko e VPC ko ha fili ngaofengofua maʻa ha taha pē, ʻi ha ngaahi ʻuhinga kehekehe, mahalo ʻoku ʻikai maau nai, pe malava ke fakakakato ʻa e VCE pe VCE VM.
ʻE lava ke ke kamata ʻa e VPC ʻi he Kalasi 10 kapau te ke fiemaʻu pea ʻe lava ke fai pē ki hoʻo vave ke fakakato ai ʻi he taʻu ʻe ua (pe lōloa ange kapau ʻokú ke fiemaʻu).
ʻE fiemaʻu ke ke fakakato ʻa e ʻiuniti ʻe 12 pe lahiange, kau ai ʻa e:
- 'Iuniti 'e 2 VPC Literacy
- ʻIuniti 'e 2 VPC Numeracy
- ʻIuniti VPC Work-Related Skills ʻe 2
- ʻIuniti VPC Personal Development Skills ʻe 2.
Ko e toenga ʻiuniti leva ʻe fā ʻe lava ke haʻu ia mei he ngaahi ʻiuniti VPC kehé pe mei ha VET Setifikeiti I pe lēsoni ʻi ʻolunga hake ai.
ʻE lava ke ke toe fakamoleki ʻa e taimi ke ako ʻi ha ngāueʻanga. ʻE lava ke ke fai ʻa e ngaahi ʻiuniti VPC lahiange, pe toe fai ʻa e ngaahi ʻiuniti VCE pe VCE VM kapau ʻe ʻoatu ʻe hoʻo akoʻangá.
ʻE toe lava foki ke ke fai ʻa e VET ʻi hoʻo VPC, ko ia te ke maʻu ai ʻa e ngaahi taukei ʻaonga ʻi ha ʻēlia te ke loto nai ke ngāue ai ʻi he hili ʻa e akó.
Fakamatala lahiange
Ko e kotoa ʻo e ngaahi fili ko ení, ʻoku mahuʻinga ke ke talanoa ki hoʻo kau faiakó, hoʻo ongomātuʻá, pea mo hoʻo kau faleʻi ngāue ʻi he ʻapiakó. Te nau malava ke tokoniʻi koe ke ke fakakaukau pe ko e hā ʻe feʻunga mo koé.
Ke ako lahiange fekauʻaki mo e VCE, VCE Vocational Major pe VPC, ʻaʻahi ki he ngaahi peesi ko ení:
Fekauʻaki mo e Victorian Certificate of Education (VCE) (About the Victorian Certificate of Education) - lea faka-Tonga (Tongan)
Ako lahiange fekauʻaki mo e Victorian Certificate of Education (VCE) mo e feituʻu ʻe lava ke ʻave koe ki aí.
Fekauʻaki mo e VCE Vocational Major (About the VCE Vocational Major) - lea faka-Tonga (Tongan)
Ko e VCE he taimí ni ʻoku kau ai ʻa e Vocational Major, ko ha polokalama foʻou ia taʻu ʻe ua ʻoku ʻi loto ʻi he VCE.
Fekauʻaki mo e Setifikeiti Victorian Pathways (About the Victorian Pathways Certificate) - lea faka-Tonga (Tongan)
Ako lahiange fekauʻaki mo e Victorian Pathways Certificate mo e feituʻu ʻe lava ke ʻave koe ki aí.
Updated