Mei he 2025, ʻe malava ʻe he ngaahi akoʻangá ke ʻoatu ʻa e VM Work Related Skills mo e VM Personal Development Skills ki he fakalukufua ʻo e fānauako VCE ke fakakau ia ʻi heʻenau polokalamá, kae ʻikai ko e fānauako VCE Vocational Major pē.
Ko e Literacy mo e Numeracy ʻokú na faingamālie pē kapau naʻá ke fili ke fai kakato ʻa e polokalama VCE Vocational Major.
Vahavahe atu ʻa e peesi ko ení ʻi he WhatsApp
Ngaahi Pōtoʻi Ngāue Fekauʻaki
Ko e lēsoni ko ení te ne tokoniʻi koe ke ke lavameʻa ʻi he māmani feliuliuaki vave ʻo e ngāué mo e akó. Te ke vakaiʻi ʻa e fili ki he ngaahi ngāue kehekehe, fakatupulekina ha palani ngāue, pea langa hake ha pōtoʻi ʻi he kumi ngāué.
Te ke ako ai fekauʻaki mo e moʻuí mo e malu ʻi he ngaahi ngāueʻangá, ko hoʻo ngaahi totonu ʻi he ngāué, pea founga hoʻo tokoniʻi ʻa e kakai ʻokú ke ngāue mo iá. Te ke fakatupulekina ai ʻa e pōtoʻi ʻi he fetuʻutakí mo e ngāue fakatimí pea ako ki he anga levaʻi ʻa e ngaahi vahaʻangatae mahuʻinga ʻi he ngāueʻangá.
Te ke toe lava ai ʻo ʻiloʻi ho mālohi pē ʻoʻoú pea ako ke ʻiloʻi ʻa e anga haʻo ngāueʻaki ia ʻi he kumi mo e fakaʻekeʻeke ngāué. Te ke faʻu ai ha pootifoliō fakapolofesinale ki hano fakalahi ʻa e akó mo e kumi ngāué.
Fakatupulekina ʻa e Ngaahi Pōtoʻi Fakafoʻituitui
ʻI he lēsoni ko ení, te ke ako ai ki he anga haʻo kau longomoʻui ki he ngāue ʻi ho komiunitií. Te ke toe faʻu ai ha mahino lolotoange pea ʻuhinga lelei ko hai koe mo ho tuʻunga ʻi he māmaní.
Te ke ʻahia ai ʻa e anga ʻo e ngāue fakataha ʻa e ngaahi komiunitī ʻi he tuʻunga fakalotofonua, fakatuʻapuleʻanga, pea ʻi he tuʻunga fakamāmani lahi. Te ke ngāueʻaki eni ʻaki hano palani ha poloseki ke tokoniʻi ho komiunitī pē ʻoʻoú tonu, ʻi ha kulupu mo e fānauako kehé.
Ko e lēsoni ko ení te ke toe tokoniʻi koe ke ke ako fekauʻaki mo hono fakatupulekina hoʻo mafai fakaeongó, tokangaekina fakasōsialé, mo e tuʻunga fakaetakí. Ko e ngaahi pōtoʻi fakaevahaʻangatae ko ení te ne tokoniʻi koe ke ke lavameʻa ʻi he ngāueʻangá, ʻi hono toe fakalahiange hoʻo akó hangē ko e ʻunivēsití pe TAFE, pea ʻi hoʻo moʻui fakafoʻituituí tonu.
Lautohí mo e tohí
ʻI he lēsoni ko ení, te ke fakatupulekina ai hoʻo pōtoʻi he lautohí, tohí, leá mo e fanongó ʻi ha ngaahi tuʻunga kehekehe mo fālahiange, koeʻuhí ke ke lava ai ʻo tānaki pea vahevahe longomoʻui atu ʻa e fakamatalá.
Te ke ʻanalaiso pea fakaʻuhingaʻi ha fakamatala ʻoku tohi, fakatātā, leaʻaki, fakaʻilekitulōnika mo e mītiá, toe fakatupulekina hoʻo malava ke ke mahinoʻi pea faʻu ha ngaahi fetuʻutaki lelei.
Ko e lēsoni ko ení te ne tokoniʻi koe ke fakatupulekina ʻa e lotopau ʻi hoʻo tohinimá mo e pōtoʻi ʻi he fetuʻutaki leá. ʻE teuteu heni koe ke ke lavameʻa ʻi ha faʻahinga tuʻunga pe feituʻu pē, kau ai ʻa e ngāué.
Numeracy
ʻI he lēsoni ko ení, te ke fakatupulekina ai malava fakaefakakaukaú mo e fakaʻuhingá, mo e malava ke solova ʻa e ngaahi palopalema fakaʻahó. Te ke ʻahia ai ʻa e ngaahi ʻilo fakafiká, fika takai, fua, fuo, mo e teita.
Te ke lava ai ʻo fakamālohiʻi hoʻo pōtoʻi fakafiká pea ngāueʻaki eni ʻi he ngaahi tuʻunga moʻoni ʻi he moʻuí. Te ke ako ke ngāueʻaki ʻa e ʻilo ko ení ʻi he ngaahi ngāue fakaʻahó, ngāué, pea ʻi he komiunitií.
ʻE teuteuʻi koe ʻe he fika Numelalí ki ha ngaahi konga tafaʻaki lahiange ʻi hoʻo moʻuí, hangē ko ho faʻu haʻo patiseti, fakahoa ʻa e mahuʻinga ʻo e fakataú, palani pea mo fikaʻi ʻa e ngaahi fiemaʻu ʻa e tukuhaú.
Ako vokāsió mo e akongāué (VET)
Ko e fānau ako VCE Vocational Major kotoa pē ʻoku nau toe fakakau ʻa e VET ʻi heʻenau polokalamá. ʻE ʻoatu ai heni kiate koe ʻa e ngaahi pōtoʻi ʻaonga ʻi ha faʻahinga ngāueʻanga pē ʻoku saiʻia ai, pea kamata tokamuʻa ʻi hoʻo halafononga ki he ngāué.
Ko e anga ʻo e feʻungamālie ʻa e ako vokāsioó mo e ako ngāué ki he Kalasi 11 mo e 12 (How VET fits into Year 11 and 12) - lea faka-Tonga (Tongan)
Ako lahiange fekauʻaki mo e anga ʻo e feʻungamālie ʻa e VET mo e ngaahi ako kehe ʻa e Kalasi 11 mo e 12 ʻi Vikatōliá.
Fekauʻaki mo e VCE Vocational Major (About the VCE Vocational Major) - lea faka-Tonga (Tongan)
Ko e VCE he taimí ni ʻoku kau ai ʻa e Vocational Major, ko ha polokalama foʻou ia taʻu ʻe ua ʻoku ʻi loto ʻi he VCE.
Updated