VCE Голлох Мэргэжил хөтөлбөрийн тухай (About the VCE Vocational Major) - монгол хэл (Mongolian)

VCE гэрчилгээтэй болох шинэ арга зам

Голлох Мэргэжил хөтөлбөр (VCE VM) нь VCE хөтөлбөрийн бүрэлдэхүүнд шинээр нэмэгдсэн практик сургалтын хоёр жилийн хугацаатай хөтөлбөр юм.

Хөтөлбөрт хамрагдсанаар нэг болон түүнээс дээш салбарын ажил, амьдралын ур чадвар, практик туршлагатай болж, сургуулиа төгсөхдөө шууд ажил эрхлэхэд бэлэн болсон байна.

Багш нар суралцагчийн ахиц дэвшлийг олон төрлийн үйл ажиллагаагаар дамжуулан үнэлнэ. Таны өгөх цорын ганц шалгалт нь Түвшин тогтоох Ерөнхий Тест (GAT) байна (Зөвхөн А хэсэг).

VCE VM хөтөлбөрийн суралцах дөрвөн чиглэл нь VCE хөтөлбөрийн бусад сургалтаас өөр хэлбэрийн үнэлгээ ашигладаг. Үнэлгээг гүйцэтгэх тухайн хичээлийн багш нь суралцагсдад үнэлгээний шаардлага хангахад нь дэмжлэг үзүүлнэ.

VCE VM хөтөлбөрийн хичээлүүдэд сурлагын үнэлгээ өгдөггүй тул АTAR оноотой дүйцүүлэх боломжгүй.

Та бодит практик орчинд суралцахыг илүүд үздэг мөн танд АTAR оноо шаардлагагүй бол VCE VM хөтөлбөр нь танд тохирсон сонголт болно.

Энэ хуудсыг WhatsApp-аар хуваалцах

VCE Голлох Мэргэжил хөтөлбөр танд ямар хэрэгцээтэй вэ?

VCE Голлох Мэргэжил хөтөбөр нь таныг дараах зүйлст бэлтгэнэ. Үүнд:

• ажиллангаа дадлагажих эсвэл энгийн дадлагажих сургалт
• дараагийн шатны боловсролын зэргийн болон дадлагажуулах сургалт
• тусгай элсэх хөтөлбөрөөр дамжин их сургуульд элсэх
• шууд ажлын байранд.

VCE VM хөтөлбөрийн хичээл сонголт

VCE VM хөтөлбөрийг төгсөхийн тулд доод тал нь 16 хичээлийг амжилттай суралцсан байна. Үүнд дараах хичээлүүд заавал багтсан байна:

• VCE VM Бичиг үсгийн чадвар эсвэл VCE англи хэлний 3 хичээл (3, 4 гэсэн дарааллаар)
• VCE VM Тооны чадвар эсвэл VCE Математикийн 2 хичээл
• VCE VM Ажлын байрны ур чадварын 2 хичээл
• VCE VM Хувь хүний хөгжлийн ур чадварын 2 хичээл
• 3, 4 гэсэн шатлалтай таны сонголтын 3 хичээл
• Гэрчилгээ 2 эсвэл түүнээс дээш түвшний VET хөтөлбөр (180 нэрлэсэн цаг).

VET хөтөлбөрийн хүрээнд ажлын байранд суралцах боломжтой. Үүнийг Ажлын байран дээр суралцсан тухай батламж гэдэг.

VCE VM хөтөлбөрт VCE хөтөлбөрийн бусад хичээлүүдээс нэмэх боломжтой.

Танд олгох бичиг баримтууд

Суралцан төгссөний дараа танд:

• Виктория мужийн Сургалтын хөтөлбөр, Үнэлгээний Байгууллага (VCAA)-ын Дүнгийн тодорхойлолт
• VET хөтөлбөр хэрэгжүүлэгч (VET хичээл суралцсан тохиолдолд)-ийн Сурлагын Амжилтын Тодорхойлолт
• Таны VET диплом (төгссөн тохиолдолд)
• Таны Виктория мужийн Боловсролын Гэрчилгээ “Голлох Мэргэжил” гэсэн нэмэлт үгтэй байна.

Гэрчилгээ авах болзол хангаагүй суралцагсдад тэдний суралцсан хугацаандаа амжилттай судласан хичээлүүдийн жагсаалт бүхий Сурагчийн Амжилтын Хуудас олгоно.