Ko e Victorian Cetificate of Education (VCE) ʻoku nau tuʻuaki ʻa e ngaahi meʻa lahiange ʻo e ngaahi fili ke akó.
ʻE lava ke ke fili ha ngaahi ako kehekehe te ne fakaʻatā koe ke ke vakili ai hoʻo ngaahi mahuʻingaʻiá pea tuli ki hoʻo ngaahi taumuʻá.
Ko e lēsoni ʻiuniti 1 mo e 2 ʻoku faʻa ako ia ʻi he Kalasi 11, pea ko e lēsoni ʻIuniti 3 mo e 4 ʻoku faʻa ako ia ʻi he Kalasi 12.
Ko hono fakakakato ʻa e VCE ʻe lava ke ne ʻoatu kiate koe ha maaka ATAR, ʻoku tuʻuaki atu ha halafononga fakahangatonu ki he ʻunivēsití.
Ko e VCE ʻe lava ke ne ʻave koe ʻi he ngaahi halanga lahi kehekehe hili ʻa e akó pea ko ha fili lelei ia kapau te ke loto ke ako ʻi ha ʻātakai fakaelokiako pea ʻiloʻi te ke loto nai ke ʻalu ki he ʻunivēsití hili pē ʻa e akó.
Ko e feituʻu ʻe lava ke ʻave koe ki aí
ʻE teuteuʻi koe ʻe he VCE ki he:
- ʻunivēsití
- ko ha ako ki ha pōtoʻi ngāue pe akongāue
- ako lahiange mo e ako ki he faʻahinga pōtoʻi ngāue
- ʻalu hangatonu ki he ngāueʻangá.
Ko hoʻo fili ʻa e ngaahi lēsoni VCE
Ke maʻu ʻa e VCE, ʻe fiemaʻu ke ke lavaʻi lelei ʻo fakakakato ʻa e ngaahi ʻiuniti ʻe 16. ʻOku fiemaʻu ke fakakau heni ʻa e:
- ʻa e ngaahi lēsoni hokohoko ʻe 3 ʻo e ʻIuniti 3 mo e 4
- ʻiuniti ʻe 3 mei ha kulupu lēsoni lea faka-Pilitānia (kau ai ʻa e ʻIuniti 3 mo e 4).
Ko e fānauako tokolahi ʻoku nau fai ʻenau VCE ʻo laka hake ʻi he taʻu ʻe 2, ʻo fakakakato ʻi he vahaʻa ʻo e ngaahi ʻiuniti ʻe 20 mo e 24.
Ko e akoʻanga takitaha tenau fakapapauʻi pe ko fē ʻa e ngaahi lēsoni VCE mo e ngaahi fili ako VET tenau tuʻuakí, pea ʻoku ʻikai ke tuʻuaki ʻe he ngaahi akoʻanga kotoa ʻa e ngaahi ako kotoa. Vakaiʻi hoʻo akoʻangá fekauʻaki mo e ngaahi ako tenau tuʻuakí.
Ko hono fili ʻa e ngaahi lēsoni ʻa e Kalasi 11 mo e 12 (Choosing Year 11 and 12 subjects) - lea faka-Tonga (Tongan)
Ako lahiange fekauʻaki mo hoʻo ngaahi fili ki hono fili ko ia ʻa e ngaahi lēsoni ʻa e Kalasi 11 mo e 12 ʻi Vikatōliá.
Ko e anga ʻo e feʻungamālie ʻa e ako vokāsioó mo e ako ngāué ki he Kalasi 11 mo e 12 (How VET fits into Year 11 and 12) - lea faka-Tonga (Tongan)
Ako lahiange fekauʻaki mo e anga ʻo e feʻungamālie ʻa e VET mo e ngaahi ako kehe ʻa e Kalasi 11 mo e 12 ʻi Vikatōliá.
Ko e meʻa teke maʻú
ʻI he taimi ʻe ʻosi ai hoʻo akó, te ke maʻu ʻa e:
- ko ha maaka* Australian Tertiary Admission Rank (ATAR) (kapau te ke aʻusia ʻa e ngaahi fiemaʻú)
- ha Līpooti ʻo e Ngaahi Ola mei he VCAA
- ko ha Līpooti ʻo e Lavameʻa mei hoʻo TAFE (kapau naʻá ke fakakakato ha faʻahinga ʻiuniti VET pē
- ko hoʻo tuʻunga fakaako VET (kapau naʻá ke fakakakato ha taha)
- ko hoʻo Victorian Certificate of Education.
Ko e fānau ako naʻe ʻika kenau fakakakato ha setifikeití tenau maʻu ha Student Achievement Profile ʻa ia ʻe fakamāʻopoʻopo ʻa e lisi kotoa ʻo ʻene ngaahi lavameʻá.
Ko e halafononga VCE ʻa Deshi (Deshi’s VCE pathway) - lea faka-Tonga (Tongan)
Ko ha fakatātā ʻo ha tokotaha ako naʻá ne ako VCE.
Fakamatala lahiange
Talanoa ki hoʻo tokotaha faleʻi ngāue ʻi he ʻapiakó fekauʻaki mo e anga hono faʻu hoʻo polokalama VCE ke feʻungamālie mo koe.
Ko e ngaahi halafononga kehé
Fekauʻaki mo e VCE Vocational Major (About the VCE Vocational Major) - lea faka-Tonga (Tongan)
Ko e VCE he taimí ni ʻoku kau ai ʻa e Vocational Major, ko ha polokalama foʻou ia taʻu ʻe ua ʻoku ʻi loto ʻi he VCE.
Fekauʻaki mo e Setifikeiti Victorian Pathways (About the Victorian Pathways Certificate) - lea faka-Tonga (Tongan)
Ako lahiange fekauʻaki mo e Victorian Pathways Certificate mo e feituʻu ʻe lava ke ʻave koe ki aí.
Updated