Mai le 2025, o le a mafai e a'oga ona ofaina le VM Tomai e Feso'ota'i i Galuega ma le VM Tomai mo Atina'e Patino i tamaiti a'oga VCE Lautele ia fa'aaofia i latou polokalame, ae le na o tamaiti a'oga VCE Matata Eseese.
O le Faitautusi ma le Numera fa'ato'a mafai pe afai i e te filifili e fai le polokalame atoa o le VCE Matata Eseese.
Fa'asoa lenei itulau i le WhatsApp
Tomai e Feso'ota'i ma Galuega
O lenei mataupu e fesoasoani ia oe ia manuia i suiga tetele i le lalolagi o galuega ma a'oa'oga. O le a e su'esu'e i filifiliga o galuega eseese, saunia se fuafuaga fa'atino, ma atia'e tomai saili galuega.
O le a e a'oa'o e fa'atatau i falefaigaluega e lelei mo le soifua maloloina ma saogalemu, o ou aiā i le galuega, ma pe fa'apefea ona lagolago i tagata o tou galulue fa'atasi. O le a e fausia tomai o feso'ota'iga ma le galulue fa'atasi ma a'oa'o pe fa'apefea ona soalaupule faiā fa'alegaluega.
O le a iloa fo'i ou malosi patino ma a'oa'o pe fa'apefea ona fa'alauiloa ia mea i talosaga ma fa'atalanoaga. O le a e saunia se faila fa'apolofesa mo isi a'oa'oga ma talosaga mo galuega.
Tomai o Atina'e Patino
I lenei mataupu, o le a e a'oa'o ai pe fa'apefea ona fai sou sao taua i lou nu'u. O le a ia fo'i sou malamalamaaga loloto ma lagona o lou fa'asinomaga ma lou tulaga i le lalolagi.
O le a e su'esu'eina pe fa'apefea e nu'u ona galulue fa'atasi i se fua fa'alotoifale, atunu'u ma le lalolagi atoa. O le a mafai lea e ala i lou fuafuaina o se poloketi e fesoasoani i lou nu'u, i se kulupu ma isi tamaiti a'oga.
O lea mataupu o le a fesoasoani fo'i ia oe e a'oa'o e fa'atatau ma fausia lou atamai o lagona, fa'alauiloa lautele, ma uiga lelei fa'ata'ita'i. O nei tomai tau faiā o le a fesoasoani ia oe e taulau i le falefaigaluega, i isi a'oa'oga e pei o iunivesite po'o le TAFE, ma i lou olaga patino.
Faitautusi
I lenei mataupu, o le a fa'aleleia lou tomai faitau, tusitusi, talanoa ma le fa'alogo i ni tulaga eseese se tele, ia mafai ai ona e aoina ma fa'asoa fa'amatalaga i se auala aogā.
O le a e iloilo ma fa'amatala ata lolomi, mea vaaia, tautala, fa'amatalaga fa'atekonolosi, fa'alelei o lou taumafai e malamalama ma atina'e feso'ota'iga aogā.
O lenei mataupu o le a fesoasoani ia oe e atina'e le mautinoa i ou tomai tusitusi ma le tautala i feso'ota'iga. O le a aogā lea tulaga e te taulau ai i ni fa'atulagana eseese, e aofia ai le galuega.
Numera
I lenei mataupu, o le a atina'e ai mafaufau talafeagai ma manatunatuga, ma le mafai e fo'ia ai fa'afitauli i aso faiso'o. O le a e su'esu'e i mataupu tau matematika, numera, fua, foliga, ma fa'amatalaga.
O le a fa'amalosia lou tomai tau numera ma fa'aaoga i mea mo'i. O le a e a'oa'o e faaaaoga lea malamalama i galuega i aso ta'itasi, galuega ma le nu'u.
O le Numera o le a saunia oe mo le tele o mea tāua o le olaga, e pei o le pakeki patino, fa'atusatusa i filifiliga o mea fa'atau, ausia o manaoga o lafoga ma le faia o fuafuaga.
A'oa'oga fa'a matata esese (VET)
O tamaiti a'oga uma o le VCE Matata Eseese e aofia fo'i le VET i latou polokalame. E te maua ai tomai fa'atino i se ala manuia o lo'o e fiafia ai ma vave amata ai i le ala o lau galuega.
Auala e fetaui ai a'oa'oga faa-matata esese i le Tausaga 11 ma le 12 (How VET fits into Year 11 and 12) - Gagana Samoa (Samoan)
A'oa'o atili e fa'atatau i auala e fetaui ai (VET) i isi mataupu i Tausaga 11 ma le 12 i Vitoria.
Ku saabsan VCE-da Xirfadlaha Sare (About the VCE Vocational Major) - Gagana Samoa (Samoan)
VCE-da hadda waxaa qeyb ka ah Vocational Major, barnaamij cusub oo laba sano ah oo dhex jira VCE-da.
Updated