Kuo liliu ʻa e ako maʻae ngaahi kolisi lalahi ʻo Vikatōliá
Kuo ʻi ai ha founga foʻou ke maʻu ai ʻa e Victorian Certificate of Education (VCE).
Ko e VCE he taimi ní ʻoku kau ai ʻa e Vocational Major (VCE VM). Ko ha polokalama taʻu ʻe ua eni ko e konga ia ʻo e VCE.
Ko e Victorian Pathways Certificate (VPC) ʻoku ʻatā ia he taimí ni. Ko e faingamālie ko ení maʻae faʻahinga ʻoku nau fiemaʻu ke ngaofe ngofua ange ʻenau akó.
Ko e ngaahi fili foʻou ko ení tenau fetongi ʻa e Victorain Certificate of Applied Learning (VCAL). Ko e VCE VM mo e VPC ʻokú nau tuʻuaki ha polokalama ako kuo fai hono fakaleleiʻi ke teuteuʻi ʻa e fānauakó ki he:
- fakalahi ʻa e akó pe ako ke maʻu ha pōtoʻi ngāue
- akongāue
- kamata ʻi he ngāueʻangá.
Ko e hā kuo fetongi ai ʻa e VCAL
Ko e ngaahi liliu ko ení ko ha ola ia ʻo hono toe Huke ʻa e hala fononga ʻo e ako vokāsiō mo e akongāue ʻi he akoʻanga kolisi maʻaé fānau lalahí(opens in a new window) (ko e Firth Review). Naʻe ʻilo mei he toe huke ko ení ʻoku fiemaʻu ke fakaleleiʻi ʻa e ngaahi fili ki he ako vokāsiō mo e akongāué ʻi he ngaahi akoʻangá.
ʻOku lava ʻa e fānauakó he taimí ni ke aʻu ki he ngaahi faingamālie lahiange ʻo e ako vokāsiō mo e akongāué. Pe ko e hā pē ʻa ʻenau mahuʻingaʻiá mo e manakó, ʻe lava ʻa e fānauakó ke ngāue ki ai ʻi he malumalu ʻo e VCE foʻoú.
Ko e hisitōlia ʻo e ngaahi fakamoʻoniako ʻa e ako kolisi maʻae fānau lalahí
Ko e talateu ʻo e VCE Vocational Major ko e liliu lahitaha ia ki he VCE talu mei heʻene kamata ʻi he 1987. Ko e taimi laini ko ení ʻokú ne fakamatalaʻi ʻa e anga ʻo e liliu ʻi he ako ʻa e fānau lalahi ʻi he ngaahi kolisi ʻa Vikatōliá ʻi he faai mai ʻa e taimí.
1970
Ko hono fakafeʻiloaki ʻo e Higher School Certificate (HSC)
1975
Ko hono fakafeʻiloaki ʻo e Tertiary Orientation Program
1984
Ko hono fakafeʻiloaki ʻa e School Tertiary Certificate (STC) mo e Technical Kalasi 12 (T12)
1987
Ko hono fakafeʻiloaki ʻa e Victroian Certificate of Education mo e pea kau ai mo e HSC, STC, TOP mo e T12
1991
Naʻe fakahū kakato mai ʻa e VCE peá ne fetongi ʻa e HSC
1995
Naʻe fakakau mai ki he VCE ʻa e ako vokāsiō mo e akongāué (VET) ke fili mei ai
1999
Naʻe fakafeʻiloaki mai ʻa hono ʻaʻahi fakamaaka ʻa e VCE VET
2003
Ko hono fakafeʻiloaki ʻa e Victorian Certificate of Applied Learning (VCAL)
2019
Naʻe fekau ke fai hano toe huke ʻa e halafononga ʻo e ako vokāsioó mo e akongāué
2020
Tohi fakamāʻopoʻopo mo e ngaahi fokotuʻu ʻe 38 ke liliu hono fakahoko ʻa e ako ʻa e kalasi lalahi ʻi he kolisí
2023
- Ko hono fakafeʻiloaki ʻa e Vocational Major (VCE VM) ki he VCE
- Ko hono fakafeʻiloaki ʻa e Victorian Pathways Certificate (VPC)
- Ko hono fetongi ʻa e VCAL ʻaki ʻa e VCE VM mo e VPC
2025
Ko e kotoa ʻa e fānauako VCE ʻoku nau ʻatā ke fili ʻa e ʻiuniti Work Related Skills mo e Personal Development Skills
Updated