مفت کنڈر پورے وکٹوریہ میں اس سکیم میں شریک تین سالہ بچوں اور چار سالہ بچوں کے کنڈر پروگرامز فراہم کرنے والی خدمات میں دستیاب ہے۔ اس میں پورے دن کی نگہداشت (لانگ ڈے کیئر) اور سٹینڈ الون (جسے سیشنل بھی کہا جاتا ہے) کنڈر سروسز دونوں شامل ہیں۔
خاندانوں کے لیے معلومات
یہ معلوماتی پرچہ ان خاندانوں کے لیے ہے جن کے بچے سیشنل سروسز میں مفت کنڈر میں داخل ہیں۔
خاندانوں کے لیے مشورہ: Free Kinder سیشنل سروسز میں (DOCX, 11562KB)
خاندانوں کے لیے مشورہ: Free Kinder سیشنل سروسز میں (PDF, 1518KB)
یہ معلوماتی پرچہ ان خاندانوں کے لیے ہے جن کے بچے پورے دن کی کیئر سروسز میں مفت کنڈر میں داخل ہیں۔
خاندانوں کے لیے مشورہ: Free Kinder سیشنل سروسز میں (DOCX, 11725KB)
خاندانوں کے لیے مشورہ: Free Kinder سیشنل سروسز میں (PDF, 1644KB)
گھرانوں کے لیے بچت
مفت کنڈر کے نتیجے میں فی بچہ ہر سال $2,500 تک کی بچت ہوتی ہے۔
جن گھرانوں کے بچے اس سکیم میں شریک سٹینڈ الون کنڈر میں داخل ہیں، انہیں مفت پروگرام ملتا ہے۔
جن گھرانوں کے بچے اس سکیم میں شریک لانگ ڈے کیئر میں داخل ہیں، انہیں فیس میں فی بچہ $2,000 تک کا آف سیٹ (رعایت) ملتا ہے۔ اگر آپ کا بچہ 15 گھنٹوں سے کم کے تین سالہ بچوں کے کنڈر پروگرام میں داخل ہے تو آپ کو اسی حساب سے فیس میں آف سیٹ ملے گا۔
مفت کنڈر کے لیے اہلیت
مفت کنڈر سب کے لیے ہے۔
مفت کنڈر حاصل کرنے کے لیے یہ ضروری نہیں ہے کہ گھرانے کے پاس ہیلتھ کیئر کارڈ یا پنشن کارڈ، آسٹریلین شہریت یا پتے کا ثبوت ہو۔ مفت کنڈر حاصل کرنے کے لیے یہ بھی ضروری نہیں ہے کہ آپ آسٹریلین گورنمنٹ چائلڈ کیئر سبسڈی (CCS) لینے کے لیے اہل ہوں۔
آپ کو ایک وقت میں صرف ایک کنڈر سروس میں مفت کنڈر مل سکتا ہے۔ آپ کی کنڈر سروس آپ سے ایک خط پر دستخط کرنے کو کہے گی جس میں آپ کو مفت کنڈر دینے والی سروس کا نام لکھا ہو گا۔ اگر آپ کا بچہ ایک سے زیادہ کنڈر سروسز میں جاتا ہے تو آپ کو ہر سروس کو بتانا چاہیے کہ آپ کس سروس میں مفت کنڈر لینا چاہتے ہیں۔
مفت کنڈر کی فنڈنگ کیسے لی جائے
مفت کنڈر دینے والی کنڈر سروسز کو براہ راست وکٹورین گورنمنٹ سے فنڈنگ ملتی ہے۔ اس کا مطلب ہے کہ گھرانوں کو اپنی بچت کی خاطر رقم کا دعوی نہیں کرنا پڑتا بلکہ آپ کی فیس کم ہو جائے گی۔
سیشنل کنڈر میں آپ کو مفت پروگرام ملتا ہے۔
لانگ ڈے کیئر میں $2,000 کا فری کنڈر آف سیٹ پورا سال (ہر ہفتے یا دو ہفتے بعد) آپ کی فیس میں باقاعدگی سے استعمال ہوتا رہے گا۔ آپ کو یہ رقم اپنے انوائس میں وضاحت سے ’Victorian Government Free Kinder offset’ کے تحت لکھی نظر آنی چاہیے۔
اگر آپ کامن ویلتھ چائلڈ کیئر سبسڈی کے لیے اہل ہیں تو پہلے یہ سبسڈی استعمال ہو گی۔ اس کا مطلب ہے کہ آپ کو صرف وہ رقم ادا کرنی پڑے گی جو CCS اور فری کنڈر آف سیٹ استعمال ہونے کے بعد بچے گی۔
لانگ ڈے کیئر کنڈر پروگرامز استعمال کرنے والے گھرانے ہر ِبلنگ سائیکل میں مفت کنڈر کی بچت کو انوائس پر ‘Victorian Government Free Kinder offset’ کے لیبل کے تحت واضح طور پر دیکھ سکیں گے۔
آپ کی جیب سے ادا ہونے والی فیس کے لیے فیس آف سیٹ کیسے استعمال ہوتا ہے
مفت کنڈر آف سیٹ سال بھر آپ کی فیس میں باقاعدگی سے (جیسے ہر ہفتے یا ہر دو ہفتے بعد) استعمال ہوتا رہے گا۔ آپ کو یہ رقم اپنے انوائس میں وضاحت سے ’Victorian Government Free Kinder offset’ کے تحت لکھی نظر آنی چاہیے۔
اپنی فیس میں آف سیٹ کے استعمال اور انوائس میں اس کے ذکر کے متعلق مزید معلومات کے لیے براہ مہربانی اپنی کنڈر سروس سے بات کریں۔ اگر آپ کا بچہ ہفتے میں 15 گھنٹوں سے زیادہ سروس لے رہا ہے تو یہ اضافی گھنٹے آف سیٹ کے تحت نہیں ہوں گے۔
اگر آپ کامن ویلتھ چائلڈ کیئر سبسڈی کے لیے اہل ہیں تو پہلے یہ سبسڈی استعمال ہو گی۔ اس کا مطلب ہے کہ آپ کو صرف وہ رقم ادا کرنی پڑے گی جو CCS اور فری کنڈر آف سیٹ استعمال ہونے کے بعد بچے گی۔
مثال:
- ایک بچہ 3 سالہ بچہ کنڈر پروگرام دینے والی لانگ ڈے کیئر میں ہفتے میں 3 دن جاتا ہے۔
- یہ سروس 3 دن کے لیے (جس میں کنڈر کے گھنٹے اور اضافی نگہداشت کے گھنٹے شامل ہیں) $360 فیس لیتی ہے۔
- اس گھرانے کو $252 کی CCS ملتی ہے۔
- سروس 40 ہفتوں تک ہر ہفتہ فری کنڈر آف سیٹ استعمال کرتی ہے جس کی کل رقم $2,000 ہے ($50 فی ہفتہ)۔
- گھرانہ CCS اور فری کنڈر آف سیٹ کے بعد $58 ادا کرتا ہے۔
براہ مہربانی ذہن میں رکھیں۔ یہ صرف ایک مثال ہے اور انفرادی حالات کے لحاظ سے فیس مختلف ہو گی۔
Updated