ဖဲနမ့ၢ်အိၣ်ဟဲလၢပှၤဘၣ်ကီဘၣ်ခဲမ့တမ့ၢ်ပှၤဃ့တၢ်အိၣ်ကဒုအခွဲးအယာ်အတၢ်အိၣ်သးတဂၤအခါဘၣ်သ့ၣ်သ့ၣ်နကကြၢးဘၣ်တုၤထီၣ်ထီၣ်ဘး၀ဲဒၣ်လၢ Early Start Kindergarten (ESK) န့ၣ်လီၤ. ESK အံၤ မၤစၢၤမၤလီၤတံၢ်လၢ နမၤန့ၢ်တီၤဖိသၣ်တၢ်မၤလိ လၢတလိၣ်ဟ့ၣ်အပှ့ၤအတၢ်ရဲၣ်တၢ်ကျဲၤ လၢနဖိအဂီၢ်အနၣ်ရံၣ်အအါကတၢၢ် တသ့ဖဲအသ့လၢတနွံစုာ်စုာ်အဂီၢ်သ့လီၤ.
ဖဲ 2023 နံၣ်အပူၤ, သးသၢနံၣ်တီၤဖိသၣ် အတၢ်ရဲၣ်တၢ်ကျဲၤတဖၣ်န့ၣ် တနွံန့ၣ်မ့ၢ်၀ဲဒၣ် 5 ဒီး 15 နၣ်ရံၣ်အဘၢၣ်စၢၤ ဒီးသးလွံၢ်နံၣ်တီၤဖိသၣ်န့ၣ် တနွံမ့ၢ်၀ဲဒၣ် 15 နၣ်ရံၣ်လီၤ. တၢ်ဆဲးလီၤမံၤလၢ ESK တဆီအုၣ်ကီၤ ဟ့ၣ်၀ဲဒၣ် တနွံစုာ်စုာ်တၢ်ဆၢကတီၢ် 15 နၣ်ရံၣ်ပှဲၤပှဲၤလၢသးသၢနံၣ်ဒီးသးလွံၢ်နံၣ်တီၤဖိသၣ်အတၢ်ရဲၣ်တၢ်ကျဲၤခံမံၤလၢာ်အဂီၢ်လီၤ. တၢ်အံၤအိၣ်၀ဲဒၣ်လၢဖိသၣ်လၢအမ့ၢ်-
- ပှၤအိၣ်ဟဲလၢတၢ်အိၣ်သး လၢအမ့ၢ်ပှၤဘၣ်ကီဘၣ်ခဲ မ့တမ့ၢ် ပှၤဃ့ထံရူၢ်ကီၢ်သဲးတၢ်အိၣ်ကဒုတဂၤ
- တၢ်ပာ်ပနီၣ်ထံၣ်အီၤဒ်ပှၤအဘီရံကၠၢၣ်နၢၣ် ဒီး/မ့တမ့ၢ် ထိရ့း(တ)စထရ့းကီးဖိ
- ပှၤလၢအဟံၣ်ဖိဃီဖိအတၢ်ဆဲးကျိးအိၣ်ဒီး ဖိသၣ်တၢ်ဒီသဒၢ
အ၀ဲသ့ၣ်မ့ၢ်အကအိၣ်၀ဲဒၣ်လၢဘံးထိရံယါတၢ်လီၢ်ဖဲလဲၣ်တခါန့ၣ်အတွးတအိၣ်ဘၣ်အ၀ဲသ့ၣ်မၤန့ၢ်ကလီ 15 နၣ်ရံၣ်တီၤဖိသၣ်အတၢ်မၤစၢၤလၢတနွံအဂီၢ်သ့၀ဲဒၣ်ဖဲတၢ်ထုးထီၣ်ဟ့ၣ်လီၤအဆၢကတီၢ်န့ၣ်သ့လီၤ. အ၀ဲသ့ၣ်အကတီၢ်အံၤတၢ်မၤန့ၢ်တၢ်အခွဲးအယာ် ဒီးအနၣ်ရံၣ်တဖၣ်န့ၣ် တဆီတလဲအသးဘၣ်.
ကဘၣ်ပတံထီၣ်ဒ်လဲၣ်-
ESK န့ၣ်အိၣ်၀ဲဒၣ်လၢ တီၤဖိသၣ်အတၢ်ရဲၣ်တၢ်ကျဲၤခဲလၢာ်အပူၤ ဒီးတၢ်မၤစၢၤန့ၣ် အဘၣ်တၢ်ဟ့ၣ်လီၤအီၤခီဖျိသရၣ်သရၣ်မုၣ် လၢအအိၣ်ဒီးကံၢ်စီတဂၤန့ၣ်လီၤ. နဆဲးလီၤနဖိအမံၤသ့ ခီဖျိတၢ်ဆဲးကျိးတီၤဖိသၣ် လၢအဘူးဒီးနၤတဖျၢၣ်သ့၀ဲဒၣ် ဒီးဃ့ထီၣ်အီၤလၢတၢ်ကမၤန့ၢ် Early Start Kindergarten အစ့ဆီၣ်ထွဲတခါတက့ၢ်. တီၤဖိသၣ်အတၢ်မၤစၢၤအတၢ်ဖံးတၢ်မၤ တဖၣ်မၤန့ၢ်သူ၀ဲတၢ်ကျိးထံအတၢ်မၤစၢၤလၢတလိၣ်ဟ့ၣ်အပှ့ၤလၢတၢ်ကဆီၣ်ထွဲနၤလၢနကျိာ်ဒၣ်န၀ဲအပူၤန့ၣ်လီၤ.
နဆဲးကျိး၀ဲဒၣ်တၢ်ကူၣ်ဘၣ်ကူၣ်သ့အ၀ဲၤကျိၤသးသၢနံၣ်တီၤဖိသၣ်တၢ်ဃုသ့ၣ်ညါတၢ်ဂ့ၢ်အလီကျိၤ (Department of Education’s Three-Year-Old Kindergarten Enquiry Line) လၢ 1800 338 663မ့တမ့ၢ်နလီၢ်က၀ီၤကီၣ်ကးကရၢလၢတၢ်မၤစၢၤအဂီၢ်သ့လီၤ. လၢတၢ်ကမၤန့ၢ်တၢ်မၤစၢၤလၢနကျိာ်ဒၣ်န၀ဲနကိး၀ဲဒၣ်ထံကီၢ်တၢ်ကျိးထံဒီးတၢ်ကတိၤကျိးထံအတၢ်မၤစၢၤ (National Translating and Interpreting Service) လၢ 131 450, ဃ့ထီၣ်ပှၤကတိၤကျိးထံတၢ်လၢကကိး၀ဲဒၣ်နလီၢ်က၀ီၤကီၣ်ကးကရၢမ့တမ့ၢ်တၢ်ကူၣ်ဘၣ်ကူၣ်သ့အ၀ဲၤကျိၤအလီတဲစိနီၢ်ဂံၢ်ဒီးပှၤကတိၤကျိးထံတၢ်ကအိၣ်လၢလီတဲစိအကျိၤအလိၤဒီးကကျိးထံန့ၢ်နၤတၢ်လီၤ.
ဘၣ်ပတံထီၣ်လၢအခါဖဲလဲၣ်-
ဖိသၣ်တဖၣ်ကြၢးဘၣ်၀ဲဒၣ်လၢ ESK အဂီၢ်ဖဲအ၀ဲသ့ၣ်ပှဲၤထီၣ်သၢနံၣ်တချုး အ့ဖြ့ၣ် 30 သီတနံၣ်ဃီဖဲအ၀ဲသ့ၣ်ဆဲး လီၤမံၤလၢအကထီၣ်တီၤဖိသၣ်န့ၣ်လီၤ. ကွၢ်ဘၣ်မ့ၢ်တၢ်ကဆဲးလီၤမံၤလၢအခါဖဲလဲၣ်တက့ၢ်.
နဃုထၢၢမ့ၢ်နဖိနထီၣ်ကၠိ ဖဲအသးပှဲၤထီၣ်ယဲၢ်နံၣ် မ့တမ့ၢ် ဃုနံၣ်န့ၣ်သ့လီၤ. မ့ၢ်၀ံၤ, အ၀ဲသ့ၣ်မၤန့ၢ် ESK ဖဲအ၀ဲသ့ၣ်ပှဲၤထီၣ်သၢနံၣ် မ့တမ့ၢ် လွံၢ်နံၣ်န့ၣ်သ့လီၤ.
ဖဲနမ့ၢ်လိၣ်ဘၣ်တၢ်မၤစၢၤ လၢတၢ်ကသ့ၣ်ညါဘၣ် မ့ၢ်နဖိအံၤကကြၢးဘၣ်၀ဲဒၣ်လၢ ESK လၢအခါဖဲလဲၣ်အဂီၢ်န့ၣ်, နဆဲးကျိး၀ဲဒၣ် တၢ်ကူၣ်ဘၣ်ကူၣ်သ့အ၀ဲၤကျိၤ, နလီၢ်က၀ီၤအကီၣ်ကးကရၢ, နမိၢ်ဒီးဖိတၢ်အိၣ်ဆူၣ်အိၣ်ချ့ သရၣ်သရၣ်မုၣ်ကွၢ်ပှၤဆါ, မ့တမ့ၢ် တီၤဖိသၣ်တခါလၢအအိၣ်လၢနလီၢ်က၀ီၤန့ၣ် သ့ဝဲ, မ့တမ့ၢ် တၢ်ကရၢကရိလၢနလီၢ်က၀ီၤအပူၤ လၢအအိၣ်လၢလာ်တဖၣ်အံၤအကျါတခါခါန့ၣ်သ့လီၤ.
- သးသၢနံၣ်တီၤဖိသၣ်အကၠိတၢ်ဃုသ့ၣ်ညါတၢ်ဂ့ၢ်အလီကျိၤ (Three-Year-Old Kindergarten Enquiry Line) 1800 338 663
- Brotherhood of St Laurence 03 9483 1183
- Foundation House 03 9389 8900
- Fka Children’s Services 03 9428 4471
- VICSEG New Futures 03 9383 2533
Updated