Nan minkhumhnak tuahto ning kong kha nan umnak hmun i tuallengsianginn riantuanpiaknak kha chawn. Kum Thum Ngakchia ca Tuallengsianginn Dothlatnak Line kha 1800 338 663 ah na chawnh kho fawn asilole 3YO.kindergarten@education.vic.gov.au ah email kua. Holh lei bawmhnak asilole holhlettu hmuhnak caah, 131 450 kha chawn hmasat.
Tuallengsianginn Tuan ah Athawkmi
Ralzam asilole humhimnak kawltu dirhmun in a rami ngakchia pawl nih a hleiin bawmhnak pawl an hmuh khawh lai i Tuallengsianginn Tuan ah Athawkmi hmangin tuallengsianginn kaikhawhnak papekmi an ngah khawh lai. Na fa minkhumhnak na tuahpiak lio ah Tuallengsianginn Tuan ah Athawkmi kong cu nan umnak hmun i riantuanpiaknak kha na hal khawh hna, asilole thawngthanhmi tamdeuh hmuhnak caah Tuallengsianginn Tuan ah Athawkmi ah na zoh khawh.
Minkhumh caan
Victoria ah, ngakchia kha kum 3 an si tikah tuallengsianginn prokarem ah ngakchia pawl cu na thawkter khawh hna. Kum Thum le Kum Li Ngakchia nih Tuallengsianginn kainak zeitikdah an thawk khawh timi hmuh dingah Thawknak Kum Tuaknak (Starting Age Calculator) ah na fa i a chuahthla in na lut khawh.
Na fa a chuahni kha Tangkhawng (January) le 30 Vaupi (April) karlak ah a si ahcun, ESK an luh khawh ding kum ah sianginn kai an thawk khawh dingin rian na tuan a herh lai. Na fa cu kum nga asilole kum ruk ah sianginn kai dingin na thimpiak khawh.
Tuallengsianginn prokarem kawl
Tuallengsianginn program pawl fehternak a tuahmi riantuanpiaknak kawl dingah, tuallengsianginn program website kawlnak ah zoh (Tuallengsianginn Program Kawl- Fimcawnnak le Cawnnnak Phuthen, Victoria (educationapps.vic.gov.au)). Nanmah umnak hmun khawngsik le tuallengsianginn lei riantuanpiaknak pawl nih tuallengsianginn ah hmunhma kawlpiaknak an in bawmh kho fawn.
Kinder Tick kha kawl:
Kinder Tick nih innchungkhar pawl kha an fale caah tuallengsianginn program kawlnak le fehternak kha a bawmh.
Na umnak hmun i tuallengsianginn riantuanpiaknak ah, riantuanpiaknak asilole inn asilole vawlei ah, an website asilole an thawngthanhmi thilri pawl ah Kinder Tick logo kha kawl.
Updated