O A'oga Faata'ita'i e leai se totogi e maua i Polokalame a A'oga Faata'ita'i mo le Tolu-ma le Fa-Tausaga le Matutua i auaunaga auai i Vitoria. E aofia ai auaunaga uma e lua faa a'oga faata'ita'i, o le vaaiga umi i le aso ma le ta'ito'atasi (lea fo'i e ta'ua o le fai vaega).
Tupe sefe mo aīga
O A'oga Fa'ata'ita'i e Leai se Totogi o lona uiga o se sefe lea e o'o atu i le $2,500 mo le tamaititi e to'atasi mo tausaga ta'itasi.
O aīga o lesitala i se a'oga fa'ata'ita'i auai tuto'atasi a latou tamaiti e maua le polokalame e leai se totogi.
O aīga o lesitala a latou tamaiti i se nofoaga e umi ai le va'aiga o tamaiti e maua se fa'aititia e o'o atu i le $2,000 mo le tamaititi e to'atasi. Afai o lou alo o lo'o lesitala i se Polokalame-a A'oga-Fa'ata'ita'i-mo le Tolu Tausaga e i lalo ifo ma le 15 itula, o le a e maua se fa'aititia i pili e fai vaega.
Agava'a mo A'oga Fa'ata'ita'i e leai se totogi
O A'oga Fa'ata'ita'i e leai se totogi e mo tagata uma.
E le mana'omia e aīga ona iai se Health Care Card po'o le Pension Card, sitiseni Ausetalia, po'o le fa'amaoniga o le tuatusi ia agava'a ai. E le mana'omia fo'i ona e agava'a mo le Australian Government Child Care Subsidy (CSS) ina ia maua ai le A'oga Fa'ata'ita'i e leai se totogi.
E na o le tasi le A'oga Fa'ata'ita'i e leai se totogi e te maua i se auaunaga fa'a a'oga fa'ata'ita'i i le taimi e tasi. O lau auaunaga fa'a a'oga fa'ata'ita'i o le a fai atu ia oe e saini se tusi, fa'aigoa ai le auaunaga o le a e maua ai le A'oga Fa'ata'ita'i e leai se totogi. Afai o lou alo e auai atu i le silia ma le tasi le auaunaga fa'a a'oga fa'ata'ita'i, e tatau ona e fa'ailoa i auaunaga ta'itasi po'o fea e te mana'o e maua ai le A'oga Fa'ata'ita'i e leai se totogi.
Fa'apefea ona maua fesoasoani tau tupe a A'oga Fa'ata'ita'i e leai se totogi
O auaunaga mo a'oga fa'ata'ita'i e ofoina le polokalame e leai se totogi e fa'atupeina sa'o mai le malō a Vitoria. O lona uiga o lea mea, e le mana'omia ona tapā e aīga ia tupe sefe, ae o le a fa'aitiitia au pili.
I a'oga fa'ata'ita'i fai vaega, o lau polokalame e leai se totogi.
O le fa'amama avega e $2,000 a A'oga Fa'ata'ita'i e leai se totogi o le a apalai i au pili masani i le tausaga atoa (f.t. vaiaso pe lua vaiaso). E tatau ona mafai ona e vaai i le aofa'i o loo manino ona ta'ua i lau pili o le 'fa'amama avega a le Malō o Vitoria mo A'oga Fa'ata'ita'i e leai se totogi'.
Afai e te agava'a mo le Commonwealth Childcare Subsidy o le a apalai muamua. O lona uiga o le a mana'omia ona e totogia na o le aofa'iga o totoe pe a uma le CCS ma uma le fa'amama avega ale A'oga Faata'ita'i e leai se totogi.
O aīga o loo fa'aaogaina polokalame e umi na vaaia ai tamaiti o le a vaai i tupe fa'asao mai le taimi e totogi ai pili o polokalame o a'oga fa'ata'ita'i e leai se totogi ma le ' Victorian Government Free Kinder' e manino lona fa'ailogaina i luga o pili.
E fa'apefea ona apalai le fa'amama avega i au pili totogi sa'o mai lau taga
O le fa'amama avega a A'oga Fa'ata'ita'i e leai se totogi o le a apalai i au pili masani i le tausaga atoa (f.t vaiaso pe lua vaiaso). E tatau ona mafai ona e vaai i le aofa'i o loo manino ona ta'ua i lau pili o le 'fa'amama avega a le Malō o Vitoria mo A'oga Fa'ata'ita'i e leai se totogi'.
Mo fa'amatalaga pe fa'apefea ona apalai le fa'amama avega i au pili ma e fa'apefea ona fa'ailoa i luga o au pili, fa'amolemole talanoa sa'o i lau auaunaga o a'oga fa'ata'ita'i. Afai e maua e lou alo le sili atu i le 15 itula i le vaiaso, o ia itula fa'aopopo e le aofia i le fa'amama avega.
Afai e te agava'a mo le Commonwealth Childcare Subsidy o le a apalai muamua. O lona uiga o le a mana'omia ona e totogia na o le aofa'iga o totoe pe a uma le CCS ma uma le fa'amama avega ale A'oga Faata'ita'i e leai se totogi.
Fa'ata'ita'iga:
- O se tamaititi 4 tausaga e alu i le nofoaga e vaaia i le aso atoa ma fai se polokalame a'oga fa'ata'ita'i mo le 3 aso i le vaiaso.
- O le auaunaga e totogi le $360 mo aso e 3 (aofia ai itula o le a'oga fa'ata'ita'i ma itula fa'aopopo e va'aia ai).
- E maua e le aīga le CCS e $252.
- Na filifilia e le auaunaga e apalai le fa'amama avega e $2,000 o A'oga Fa'ata'ita'i e leai se totogi i le vaiaso mo le sili atu ma le 40 vaiaso ($50 i le vaiaso).
- E totogi e le aiga le $58 pe a uma le CCS ma le fa'amama avega a le A'oga Fa'ata'ita'i e leai se totogi
Fa'amolemole fa'amau. E na o se fa'ata'ita'i lenei ma o tau e eseese e fua i tulaga o tagata ta'ito'atasi.
Updated