کنڈر کٹس - (Kinder Kits) - اردو (Urdu)

بچوں کے لیے پڑھائی اور کھیل کا آپس میں گہرا تعلق ہے۔ بچے کھیل کے ذریعے ہی خود کو اور اپنے ارد گرد موجود دنیا کو دریافت کرتے ہیں۔ والدین، کیئررز اور گھرانے اس سفر کا ایک بہت اہم حصہ ہیں۔ آپ کے بچے کی کنڈر کٹ میں موجود ہر چیز کو گھر بھر کے استعمال کرنے اور مل کر لطف اندوز ہونے کے لیے ڈیزائن کیا گیا ہے۔

کنڈرگارٹن میں، وکٹورین ارلی ایئرز لرننگ اینڈ ڈیویلپمنٹ فریم ورک (VEYLDF) کو سیکھنے کے ایسے تجربات تخلیق دینے کے لیے استعمال کیا جاتا ہے جن سے آپ کے بچے کو سیکھنے اور نشوونما کے پانچ معاملات میں ترقی کرنے اور پھلنے پھولنے میں مدد ملتی ہے۔ وہ پانچ معاملات یہ ہیں:

یہ ایکٹیویٹی باکس محض کتابیں اور کھلونے رکھنے کا ڈبا ہی نہیں ہے۔ اسے کئی طریقوں سے سیکھنے اور نشوونما میں مدد دینے کے لیے استعمال کیا جا سکتا ہے۔

• ایکٹیویٹی باکس کو پکنک پر یا دوستوں اور گھر والوں کے ساتھ باہر سیر پر ساتھ لے جائیں
• پلے ڈو میٹ

• کھیل کا آئیڈیا دینے والی چیز

کیا آپ کو معلوم ہے؟ کٹ ایکٹیویٹی کیس کو ماحول دوست پروڈکٹ کے طور پر ڈیزائن کیا گیا ہے۔ جس حد تک ممکن ہوسکا، اسے ری سائیکلڈ مادّوں سے بنایا گیا ہے اور اسے بعد میں بچے کی پسندیدہ چیزیں محفوظ رکھنے کے لیے بھی استعمال کیا جا سکتا ہے۔ کٹ کو تہ کر کے ایزل (easel) بنائیں یا کٹ کو کھول کر اس طرح پھیلا دیں کہ سبز سطح کو تخلیقی کھیل کے لیے استعمال کیا جا سکے۔

چاک، بورڈ اور ڈسٹر

بچوں کے ساتھ بیج لگانا ایک بھرپور اور سائنسی طریقے سے سیکھنے کا عمل ہے جس سے بچوں کو فطرت کو دیکھنے کا موقع ملتا ہے۔ اس طرح بچے فطرت کے بارے میں سیکھیں گے، زبان میں ترقی کریں گے اور آسان ہدایات پر عمل کرنا سیکھیں گے۔ وہ وقت کے ساتھ ساتھ چیزوں کا مشاہدہ کرنا بھی سیکھیں گے۔

کیا آپ کو معلوم ہے؟ الفالفا (Alfalfa) مٹر کے خاندان سے تعلق رکھنے والی ایک پھلی ہے اور یہ وٹامنز اور معدنیات سے بھرپور ہوتی ہے۔ جب پودے کے پتوں کو چوٹ لگتی ہے تو یہ بھڑوں (wasps) کو ایک سگنل بھیجتے ہیں کہ وہ انہیں دوبارہ پولینیٹ ہونے میں مدد دیں۔ آپ انہیں پکا کر بھی کھا سکتے ہیں!

جانوروں کو دھاگے میں پروئیں

زندگی کے ابتدائی سال وہ زمانہ ہیں جب بچوں کو اپنے ہاتھوں، انگلیوں، کلائیوں اور پیروں کی انگلیوں کے پٹھوں پر زیادہ کنٹرول حاصل ہونا شروع ہوتا ہے۔ ہاتھوں اور انگلیوں کی باریک حرکتوں میں استعمال ہونے والے پٹھوں کی صلاحیت بڑھانا بچوں کے اپنے کام خود کرنے اور آگے چل کر لکھنے کے لیے اہم ہے۔ بچہ اپنے ہاتھوں اور انگلیوں کے استعمال کی صلاحیت کو پلے ڈو اور کریونز کے استعمال سے یا جانوروں کی شکلیں پرو کر، اور آگے چل کر لکھنے کے ذریعے، بڑھا سکتا ہے۔ یہاں ہاتھوں اور انگلیوں کے استعمال کی پریکٹس کے کچھ طریقے بتائے جا رہے ہیں:

کیا آپ کو معلوم ہے؟ تقریباً 3000 قبل مسیح سے چمڑے کو پیروں سے باندھنے کے لیے تسمے استعمال کیے جا رہے ہیں۔

آسٹریلین نقشے کا پزل

سادہ پزلز بچے کو صبر، توجہ برقرار رکھنے، مسائل حل کرنے اور ہاتھوں اور انگلیوں کے استعمال کی صلاحیتیں بڑھانے میں مدد دیتے ہیں۔ جب بچہ پزل بنانے میں مصروف ہو تو وہ فیصلے کرتا ہے، شکلوں کی پہچان پیدا کرتا ہے اور اپنی یادداشت استعمال کرتا ہے۔

کیا آپ کو معلوم ہے؟ دنیا بھر میں صرف ایکڈنا اور پلیٹیپس ہی ایسے ممالیہ جانور ہیں جو انڈے دیتے ہیں۔

کریونز اور آرٹ پیڈ

میوزک بنانا بچوں کے لیے نئے الفاظ سیکھنے، گیت گانے اور گنتی سیکھنے اور خوش ہونے کا بہت مزیدار طریقہ ہے۔ ڈانس کرنا، گانا، حرکت کرنا اور اچھلنا سب مزا لینے کا حصہ ہے۔ اپنے بچے کے ساتھ میوزک سے لطف اندوز ہونے کے کچھ طریقے یہ ہیں:

کیا آپ کو معلوم ہے؟ کئی کلچروں میں یہ عقیدہ پایا جاتا ہے کہ خشک سالی کے دوران رین سٹکس کا میوزک بجانے سے بارش آ جاتی ہے۔

پلے ڈو

جب بچہ پلے ڈو سے چیزیں بناتا ہے تو وہ مختلف طرح کے بڑے اہم کام کر رہا ہوتا ہے:

پلے ڈو سے چیزیں بنانا بچے کے لیے سیکھنے کا ایک اہم حصہ ہے۔

کیا آپ کو معلوم ہے؟ گھر میں پلے ڈو بنانا بالکل آسان ہے اور انٹرنیٹ پر اس کی بہت سی ترکیبیں موجود ہیں۔ مل کر پلے ڈو بنانا ایک ایسی دلچسپ سیکھنے کی سرگرمی ہے جس میں ابتدائی ریاضی سے لے کر ابتدائی سائنس تک سب کچھ سیکھا جا سکتا ہے۔

بچوں کی کتابیں

کیا آپ کو معلوم ہے؟ یہ بھی فائدہ مند ہے کہ کتابوں کو بار بار پڑھا جائے اور صرف کہانی کے علاوہ دوسری چیزوں پر بھی توجہ دی جائے۔ بچے سے پوچھیں کہ وہ کیا دیکھ رہا ہے، تصویروں کے بارے میں بات کریں اور پوچھیں 'بھلا آگے کیا ہوگا؟'

انگلیوں پر چڑھانے کی پتلیاں

فنگر پپٹس جنہیں انگلیوں پر چڑھایا جاتا ہے، بچوں کو ڈراما کھیلنے کے ذریعے زبان پر عبور حاصل کرنے، جذبات کو سمجھنے اور جذبات کو سنبھالنے کے طریقے سیکھنے میں مدد دے سکتی ہیں۔ کہانی سنانا اور رول پلے (ڈراما کھیل) بچوں کو دنیا اور اپنے آپ کا شعور دلانے میں اہم کردار رکھتے ہیں۔

کیا آپ کو معلوم ہے؟ آپ ہر پتلی کے لیے الگ الگ آوازیں بنا سکتے ہیں اور اس طرح تخلیقی کھیل کا مزا لے سکتے ہیں۔

بیلینسنگ جیمز

بیلینسنگ جیمز (balancing gems) سے تخلیقی کھیل کی تحریک ملتی ہے۔ جب جیمز کو اوپر تلے رکھ کر ایک اونچی چیز بنائی جائے تو ان کے مختلف زاویوں اور شکلوں سے مسائل حل کرنے، سمتوں کی سمجھ پیدا کرنے اور انگلیوں کے استعمال کو فروغ ملتا ہے۔

کیا آپ کو معلوم ہے؟ وکٹوریہ میں گارنیٹ، ٹوپاز اور زرکون جیسے نگینے مل چکے ہیں۔

کمیونٹی کو قریب لانا

وکٹوریہ ایک متنوع کمیونٹی ہے، یہ بہت سے کلچروں اور مختلف زبانوں کا گھر ہے۔ ہمارا انسانی تنوع ہماری شناخت کا ایک بہت اہم حصہ ہے۔ کٹ میں موجود چیزیں مختلف کمیونٹیوں کے بارے میں بات چیت کے لیے مدد دیتی ہیں۔ بچوں کے لیے پڑھائی اور کھیل کا آپس میں گہرا تعلق ہے۔ بچے کھیل کے ذریعے ہی خود کو دریافت کرتے ہیں۔

کیا آپ کو معلوم ہے؟ آپ کئی زبانوں میں یہ گائیڈز یہاں دیکھ سکتے ہیں: vic.gov.au/kinder/translations(opens in a new window).

Auslan میں کتابیں

Auslan اور کیپشننگ کے ساتھ کتابوں کے مطالعے کی وڈیوز دیکھنے کے لیے اس لنک پر کلک کریں۔

کیا آپ کو معلوم ہے؟ وکٹورین گورنمنٹ اس سکیم میں شریک کنڈرگارٹنز کو کوالیفائڈ لینگوئج ٹیچر بھرتی کرنے کے لیے اضافی فنڈنگ دیتی ہے جس کا کام ایک مختلف زبان میں چار سالہ بچوں کا کنڈرپروگرام فراہم کرنا ہے اور والدین پر اس کا کوئی اضافی خرچ نہیں پڑتا۔ یہاں سے مزید معلومات حاصل کریں: vic.gov.au/early-childhood-language-program۔

بچوں کا خوش و خرم رہنا اور اضافی مدد

تمام بچے مختلف طریقوں سے اور اپنی رفتار سے سیکھتے ہیں۔ کنڈر کٹ آپ کے بچوں کو ایسی کتابیں اور کھلونے فراہم کرتی ہے جنہیں تمام صلاحیتوں کو چیلنج کرنے کے لیے بہت سے مختلف طریقوں سے استعمال کیا جا سکتا ہے۔ اگر آپ کے خیال میں آپ یا آپ کے بچے کو اضافی مدد کی ضرورت ہو سکتی ہے تو مدد حاصل کرنے کے کئی طریقے ہیں:

• وکٹوریہ میں کنڈرگارٹن ٹیچرز کو ایسی صلاحیتیں اور علم حاصل ہے کہ وہ مدد دے سکیں۔ اپنے سوالات کے بارے میں اپنے بچے کے استاد سے بات کریں۔
• اپنے سوالات پر بات کرنے کے لیے اپنے ڈاکٹر یا زچہ و بچہ کی صحت کی نرس سے ملنے کے لیے اپائنٹمنٹ بک کریں۔
• مفت، رازدارانہ کاؤنسلنگ (رہنمائی) اور مدد کے لیے 89 22 13 پر Parentline کو کال کریں۔

مدد کی ضرورت ہے؟ اس بارے میں مزید جاننے کے لیے کہ آپ کے بچے کے لیے کس قسم کی مدد دستیاب ہو سکتی ہے vic.gov.au/kindergarten-programs-and-initiatives پر جائیں۔ آپ اپنے کنڈر ٹیچرسے مزید رہنمائی مانگ سکتے ہیں کہ آپ کے بچے کے لیے مناسب مدد کیا ہو گی۔

شناخت کا احترام

Koorie کلچرز آسٹریلیا کی تاریخ کا ایک اہم حصہ ہیں۔ تمام بچوں کو تمام کلچروں کے بارے میں سیکھنے کی ترغیب دی جائے تو اس سے افہام و تفہیم، دوسروں کو قبول کرنے اور فخر کو فروغ ملتا ہے۔ آج ایبوریجنل اور ٹورس سٹریٹ آئی لینڈر کلچرز زندہ ہیں اور پھل پھول رہے ہیں، اور ہمیں ان کٹس میں ان کلچرز کے افراد کے بحیثیت مصنفین اور آرٹسٹس شامل ہونے پر فخر ہے۔ یہاں کچھ سرگرمیاں بتائی جا رہی ہیں جن سے آپ کا بچہ Koorie روایات اور کلچرز کے متعلق مزید سیکھ سکتا ہے۔

• چیزوں یا جانوروں کے لیے Koorie علامات سیکھیں
• Koorie لیڈرز، شاندار کھلاڑیوں یا آرٹسٹس کے متعلق بات کریں
• Koorie کلچرز اور اقوام کے متعلق مزید معلومات حاصل کریں

کیا آپ کو معلوم ہے؟ Victorian Aboriginal Education Association Inc. کی ویب سائیٹ پر ایسی مزیدار اور دلچسپ سرگرمیاں موجود ہیں جن سے Koorie روایات اور کلچرز کا علم ہوتا ہے۔ یہ ویب سائیٹ دیکھیں: vaeai.org.au۔

ایبوریجنل فن پارہ

Gunditjmara Mirring (ایبوریجنل وطن) میں رات کا وقت ہے۔ آسمان پر چاند اور بہت سے تارے خوب چمک رہے ہیں۔

پورے Mirring میں karrayn (کینگرو) کے قدموں کے نشان بکھرے ہوئے ہیں۔ کبھی کبھار آپ karrayn کو اچھلتے یا گھاس کھاتے ہوئے دیکھ سکتے ہیں۔

Weengkeel (کوالا) جاگا ہوا ہے اور دریائی ریڈ گم ٹری کی شاخ سے چمٹا ہوا ہے۔ اس درخت سے ڈھالیں، کنو کشتیاں اور coolamons (برتن) بنائے جاتے تھے۔

زمین، آسمان، پانی اور جانور اہم ہیں۔ ان کا احترام کرنا یاد رکھیں۔

Nakia Cadd ایک خاتون ہیں جن کا تعلق Gunditjmara، Yorta Yorta، Dja Dja Wurrung، Bunitj، Boon Wurrung اور Taungurung اقوام سے ہے۔ Nakia ایک ماں، آرٹسٹ اور 'More than Lines' نامی چھوٹے کاروبار کی مالک ہیں اور انہیں آرٹ کے ذریعے کہانیاں پیش کرنے اور دوسروں تک پہنچانے کا بہت شوق ہے۔

یہ پوچھیں: آپ جس زمین پر رہتے، سیکھتے اور کھیلتے ہیں، اس کے روایتی مالکان کون ہیں؟ جب آپ لوگ باہر ہوں تو پوچھیں، آپ کیا دیکھ، سونگھ اور سن رہے ہیں؟