પરિવારો માટે માર્ગદર્શિકા
તમારી કિન્ડર કિટ વિશે
રમત તમારાં બાળકનાં શિક્ષણ અને વિકાસને ટેકો આપવા માટેની એક મનોરંજક અને આકર્ષક રીત છે. એક મોટો પરિવારો આ મુસાફરીનો બહળો ભાગ છે.
કિન્ડર કિટ્સ પુસ્તકો, શૈક્ષણિક રમકડાં અને તમારાં બાળક તથા પરિવારને ઘરે આનંદ કરવા માટે બનાવેલી પ્રવૃત્તિઓથી ભરવામાં આવી છે.
દરેક કિન્ડર કિટમાં ખાસ ત્રણ વર્ષના બાળકો માટે બનાવેલ વસ્તુઓ શામેલ છે.
વિક્ટોરિયાનાં પ્રારંભિક વર્ષોનું શિક્ષણ અને વિકાસ માળખું
પ્રારંભિક બાળપણના શિક્ષકો અને કેળવણીકારો તમારા બાળકનાં વૃદ્ધિ અને શિક્ષણને સહાય કરે છે.
કિન્ડરગાર્ટન કાર્યક્રમો વિક્ટોરિયાનાં પ્રારંભિક વર્ષોનાં શિક્ષણ અને વૃદ્ધિ માળખાં (VEYLDF)નો ઉપયોગ કરે છે.
તમારી કિન્ડર કિટમાંની દરેક વસ્તુ, VEYLDFમાં શીખવવામાં આવતી અને વિકાસના પરિણામોમાંનાં ૧ અથવા વધુને લગતી છે:
- ઓળખ
- શિક્ષણ
- સમુદાય
- વાર્તાલાપ
- સુખાકારી
દફતર
કિન્ડર કિટ દફતરનો ઉપયોગ દરરોજ થઈ શકે છે.
તમારું બાળક પાછળના પુંઠાનાં ટેગ પર તેમના ચિત્રકામનો મહાવરો કરી શકે છે, જેથી તેઓ ઓળખી શકે કે તેમનું દફતર કયું છે.
દફતર ખોલો અને વેલ્ક્રો ટેબ્સથી બંધ કરો. કલ્પનાશીલ રમત માટે રુંછાવાળી સપાટીનો ઉપયોગ કરો.
- દફતરનાં પટ્ટાંને કસો અથવા ઢીલો કરો જેથી દફતર તમારા બાળકની પીઠ પર રહે.
- રુંછાવાળી સપાટીથી બગીચો બનાવો.
- નામના ટેગ પર ચિત્ર દોરવા પ્રોત્સાહિત કરો.
- પૂર્વ-લેખનનાં કૌશલ્યનો મહાવરો કરો.
વાંચન
વાંચન એ કુટુંબ તરીકે એક સાથે સમય પસાર કરવાની એક સરસ રીત છે. સાક્ષરતા વિકાસને ટેકો આપવા માટે તે સૌથી મહત્વપૂર્ણ પદ્ધતિઓ પૈકીની એક છે.
તમારા બાળક સાથે નિયમિત વાર્તા-સમય પસાર કરવાથી તેમની કલ્પના અને શબ્દભંડોળ વિકસાવવામાં મદદ મળશે.
- સાથે મળીને પુસ્તક પસંદ કરો.
- બેસીને વાંચવા માટે આરામદાયક સ્થળ શોધો.
- વાર્તામાં આગળ શું આવી શકે છે તે વિશે તેમના વિચારો રજૂ કરવા માટે તેમને સમય આપો.
- વિવિધ અવાજોનો ઉપયોગ કરો.
ચિત્રકામ અને ચિન્હો બનાવવા
ચિત્રકામ અને ચિન્હો બનાવવા એ બાળકોને પોતાની જાતને સર્જનાત્મક રીતે વ્યક્ત કરવાની તક આપે છે. બાળકો, કાગળ પર મીણીયા ચોકનો ઉપયોગ કરીને:
- નાનાં સ્નાયુઓ વાપરવાની કુશળતા વિકસાવી શકે છે, જે કેવી રીતે લખવું તે શીખવા માટે મહત્વપૂર્ણ છે
- તેમના હાથ-આંખના સંકલનમાં સુધારો કરે છે
- રંગો, આકારો, રેખાકૃતિઓ અને રેખાઓ વિશે જાણે છે
- સર્જનાત્મકતા વ્યક્ત કરે છે
- અન્ય લોકો સાથે વાતચીત કરે છે.
- તમારા બાળકને ચિત્રકામની પ્રક્રિયાનો આનંદ માણવા માટે પ્રોત્સાહિત કરો ચિત્રકામ આત્મવિશ્વાસ વધારવામાં મદદ કરી શકે છે.
- જે દોરો તે અંગે વાત કરો.
- રંગો અને આકારોની નોંધ લો અને તેનાં નામ કહો.
સર્જનાત્મક પ્રવૃત્તિઓ
સર્જનાત્મક રમતો તમારા બાળકની તમામ ૫ ઇન્દ્રિયો - દૃષ્ટિ, ગંધ, શ્રવણ, સ્પર્શ અને સ્વાદને કાર્યપ્રવૃત્ત કરે છે. તમારી આસપાસની દુનિયાનું નિરીક્ષણ કરવા, શોધવા અને જાણવા માટે તે એક મનોરંજક રીત છે.
- બ્લોકને એકબીજા પર ચઢાવતી વખતે સ્થિતિસ્થાપકતાના મહાવરાને પ્રોત્સાહિત કરો. જો તેઓ પડી જાય, તો તમારું બાળક ૩ ઊંડા શ્વાસ લઈને ફરીથી પ્રયાસ કરી શકે છે.
- રમવાની માટીનો દડો બનાવવાનો પ્રયાસ કરો, આકારો બનાવો, તેને સપાટ કરો, તેને દબાવો.
- ભેગા મળીને સંગીત રચો. તમારા હાથથી તાળીઓ પાડીને અથવા તમારા ઘરે રહેલી વસ્તુઓ પર ટપલીઓ મારીને વિવિધ લય અને તાલ બનાવો.
ખુલ્લી જગ્યામાં રમવું
જવાબદાર વ્યક્તિની દેખરેખ હેઠળ ખુલ્લી જગ્યામાં રમવું એ તમારા બાળકની વૃદ્ધિ, વિકાસ અને સુખાકારીનો મોટો ભાગ છે.
બાળકો:
- પ્રકૃતિ વિશે શીખીને વિજ્ઞાનનું અન્વેષણ કરી શકે છે અને તેની સાથે સંબંધ વિકસાવી શકે છે
- સ્વતંત્રતાની ભાવના મેળવી શકે છે
- અન્ય બાળકો સાથે સામાજિક રીતે હળીમળી શકે છે
- રમતી વખતે સારી પસંદગીઓ કેવી રીતે કરવી તે જાણી અને શીખી શકે છે
- સમગ્ર શરીરનું હલનચલન, હાથ-આંખ સંકલન અને નાનાં સ્નાયુઓ તથા સર્જનાત્મકતાનાં કૌશલ્યો વિકસાવી શકે છે.
- પાંદડાં વિશે વાત કરો અને વિવિધ રંગો અને આકારોનાં નામ આપો.
- ભેગા મળીને બીજો રોપવા.
- પ્રકૃતિ સાથે જોડાઓ. આપણા પર્યાવરણની સુરક્ષા વિશે વાત કરો.
- રેતીનાં મહેલો બનાવો.
નાટ્યાત્મક રમત
નાટ્યાત્મક રમત બાળકોને કાલ્પનિક વાર્તાઓનો અભિનય કરવા અને અન્ય પાત્રોની ભૂમિકાઓ ભજવવા પ્રોત્સાહિત કરે છે.
બાળકો ભાષા અને સામાજિક કુશળતા જેવા મહત્વપૂર્ણ કૌશલ્યોનો મહાવરો કરવા માટે નાટકીય રમતોનો ઉપયોગ કરે છે, જેમાં નીચેનાનો સમાવેશ થાય છે:
- નવી દુનિયાઓ વિશે જાણવું અને તે બનાવવી
- વહેંચવું અને વારા લેવા
- એકબીજા સાથે ક્રિયાપ્રતિક્રિયા અને વાટાઘાટો કરવાની રીતો.
- પ્રાણીઓનાં નામ અંગ્રેજીમાં અને અન્ય ભાષાઓમાં બોલો.
- પાત્રો બનાવો.
- વાર્તાઓ બનાવો.
- લાગણીઓ અને વિવિધ ભાવનાઓને સમજવા અને વ્યક્ત કરવા માટે કઠપૂતળીનો ઉપયોગ કરો.
રમતો
કુટુંબ અને મિત્રો સાથે રમતો રમવી એ તમારા બાળકનાં સામાજિક કૌશલ્યો વધારવાની એક સરસ રીત છે.
રમતો બાળકોને આંકડાશાસ્ત્ર, ભાષા અને સમસ્યા ઉકેલવાનાં કૌશલ્ય શીખવામાં મદદ કરી શકે છે.
- રમતના નિયમો જાણો અને વારા લેવાનો મહાવરો કરો.
- કોયડા ઉકેલવાનો અને યાદશક્તિ કેળવવાનાં કૌશલ્યનો મહાવરો કરો.
- સંખ્યાઓની ચર્ચા કરો અને પદાર્થો સાથે ગણતરીનો મહાવરો કરો.
સમુદાયો બનાવવા
રમતોથી બાળકો પોતાને અને તેમની આસપાસની દુનિયાને જાણે છે અને તેના વિશે શીખે છે. બાળકો માટે, રમત અને શિક્ષણ એક સાથે જ થાય છે. તમારી કિન્ડર કિટમાંની વસ્તુઓ તમને વૈવિદ્યતા અને વિવિધ સંસ્કૃતિઓ વિશે વાતચીત કરવા માટે સહાય કરે છે.
- તમારા બાળક સાથે અન્ય દેશો અને તેમના મૂળ પ્રાણીઓ વિશે વાત કરો.
- જુદી જુદી ભાષાઓ ક્યાંથી ઉદ્ભવે છે તે જોવા માટે વિશ્વનો નકશો જુઓ.
ઓળખનો આદર કરવો
બાળકોને બધી સંસ્કૃતિઓ વિશે શીખવા માટે પ્રોત્સાહિત કરવાથી સમજણ, સ્વીકૃતિ અને ગૌરવનું નિર્માણ થાય છે. એબોરિજિનલ અને ટોરેસ સ્ટ્રેટ આઇલેન્ડર સંસ્કૃતિઓ, અને અહીં વિક્ટોરિયામાં, કૂરી સંસ્કૃતિઓ, આજે જીવંત અને સમૃદ્ધ છે. આ કિટ્સમાં લેખકો અને કલાકારો તરીકે તેમને પ્રસિદ્ધ કરવાનો અમને ગર્વ છે. અહીં કેટલીક પ્રવૃત્તિઓ છે જે તમારા બાળકને કૂરી પરંપરાઓ અને સંસ્કૃતિઓ વિશે વધુ શીખવામાં મદદ કરે છે:
- વસ્તુઓ અથવા પ્રાણીઓ માટેનાં કૂરી ચિન્હો જાણો.
- કૂરી સંસ્કૃતિઓ, નેતાઓ અને નાયકો વિશે જાણો અને વાત કરો.
- દેશની સ્વીકૃતિનું મહત્વ જાણો.
વિક્ટોરિયન એબોરિજીનલ એજ્યુકેશન એસોસિએશન ઇન્ક. વેબસાઇટ મનોરંજક, આકર્ષક પ્રવૃત્તિઓ ધરાવે છે જેથી કૂરી પરંપરાઓ અને સંસ્કૃતિઓને સમજી શકાય છે.
ઓસલાનમાં પુસ્તકો
ઓસ્લાન એ વિક્ટોરિયાના પ્રારંભિક બાળપણ ભાષા કાર્યક્રમમાં ઉપયોગમાં લેવાતી હાવભાવ દ્વારા અભિવ્યક્ત થતી ભાષા છે. આ કાર્યક્રમ કેટલાક ચાર વર્ષના કિન્ડરગાર્ટનમાં ઉપલબ્ધ છે.
નાની ઉંમરમાં અન્ય ભાષા શીખતાં બાળકોને ઘણા ફાયદા થાય છે, જેમાં નીચેનાનો સમાવેશ થાય છે:
- પૂર્વ-વાંચન અને પૂર્વ-લેખન કૌશલ્યમાં વધારો
- બોધપાઠની સુગમતા
- સ્વાભિમાન અને સુખાકારીને વધારવું
- સાંસ્કૃતિક ઓળખ દ્રઢ થાય છે.
૨૦૨૫ કિન્ડર કિટ્સમાં સમાવિષ્ટ ઘણા પુસ્તકોમાં ઓસ્લાન અનુવાદો ઉપલબ્ધ છે.
- ઓસ્લાન દ્વારા લાગણીઓ વ્યક્ત કરો.
- ઓસ્લાનમાં હેલો કહો.
સુખાકારી અને વધારાની સહાય
બધા બાળકો જુદી-જુદી રીતે અને પોતાની ઝડપે શીખે છે. કિન્ડર કિટ્સ તમારા બાળકને પુસ્તકો અને શૈક્ષણિક રમકડાં આપે છે જેનો ઉપયોગ બધી ક્ષમતાઓને પડકારવા માટે ઘણી વિવિધ રીતોથી થઈ શકે છે.
જો તમને અથવા તમારા બાળકને વધારાની સહાયની જરૂર હોય, તો નીચેની પદ્ધતિઓથી સહાય ઉપલબ્ધ છે:
- પ્રારંભિક બાળપણનાં શિક્ષકો પાસે મદદ કરવા માટે કુશળતા અને જ્ઞાન છે. તમારા પ્રશ્નો વિશે તમારા બાળકના પ્રારંભિક બાળપણના શિક્ષક સાથે વાત કરો.
- તમારા પ્રશ્નોની ચર્ચા કરવા માટે તમારા ડૉક્ટર અથવા માતૃ અને બાળ આરોગ્ય નર્સને મળવા માટે એપોઇન્ટમેન્ટ લો.
- પેરન્ટલાઈનને ૧૩૨૨૮૯પર નિઃશુલ્ક, ગોપનીય કાઉન્સેલિંગ અને સહાય માટે ફોન કરો.
પ્રારંભિક બાળપણના શિક્ષણમાં કારકિર્દી
વિક્ટોરિયાના વધતા કિન્ડરગાર્ટન ક્ષેત્રમાં કારકિર્દી શરૂ કરવાનું વિચારો. પ્રારંભિક બાળપણના શિક્ષક અથવા કેળવણીકાર બનવા માટે તમને સહાય કરવા માટે, ઉપલબ્ધ છે:
- મોકળાં અભ્યાસ વિકલ્પો
- ઉદાર શિષ્યવૃત્તિઓ
- નાણાંકીય પ્રોત્સાહનો.
તમારી કિન્ડર કીટનું દાન કરવું
એકવાર તમારું બાળક તેમની કિન્ડર કિટ વસ્તુઓનો ઉપયોગ કરવાનું બંધ કરે, પછી તેમને ધર્માદા સંસ્થામાં દાન કરવાનું વિચારો જેથી કોઈ બીજું તેમને પ્રેમ કરી શકે અને તેનો ઉપયોગ કરી શકે.
કોઈ વસ્તુનું દાન કરી શકાય છે કે નહીં તે નક્કી કરતી વખતે, એક મદદરૂપ માર્ગદર્શિકા છે: શું હું આ મિત્રને આપીશ? જો જવાબ હા હોય, તો ધર્માદા માટે આપવું યોગ્ય છે.
સ્થિરતા અને આબોહવા પરિવર્તન સામે લડવા માટે યોગ્ય વસ્તુઓનું દાન કરવું આવશ્યક છે.
Updated