Kinder Kits - Filipino

Title page on green background with illustration of two children playing, text displayed is Guide for Families.

Tungkol sa mga Kinder Kit

Para sa mga bata, magkasabay ang paglalaro at pag-aaral. Ang paglalaro ang paraan kung paano natutuklasan at natututunan ng mga bata ang tungkol sa kanilang sarili at sa mundo sa kanilang paligid. Ang mga magulang, tagapag-alaga at pamilya ay malaking bahagi ng paglalakbay na iyon. Lahat ng nasa Kinder Kit ng anak mo ay dinisenyo para pagsaluhan at i-enjoy bilang isang pamilya.

Illustration of two children playing outside. One is riding on a scooter one is playing with building blocks.

Sa kindergarten, ginagamit ang Victorian Early Years Learning and Development Framework (VEYLDF) para lumikha ng mga karanasan sa pag-aaral na susuporta sa anak mo na lumago at umunlad sa limang resulta ng pag-aaral at pag-unlad. Ang limang resultang ito ay:

Pagkakakilanlan
Pagkatuto
Komunidad
Komunikasyon
Kagalingan

Activity box

Illustration of two adults with two children using the Kinder Kit outdoors.

Ang activity box ay mas marami pang paggagamitan bukod sa pagdadala ng mga libro at laruan. Maaari itong gamitin upang suportahan ang pag-aaral at pag-unlad sa maraming paraan.

Dalhin ang activity box sa piknik o sa outing kasama ang mga kaibigan at pamilya
Ang playdough mat

Isang prop para sa paglalaro

Alam mo ba? Idinisenyo bilang isang produktong mabuti sa kalikasan ang activity box. Hangga't maaari, ito ay gawa mula sa mga niresiklong materyal at maaaring gamitin muli upang paglagyan ng mga bagay na pinahahalagahan ng iyong anak. Itiklop ang Kit para maging easel o ilatag nang flat ang Kit upang ang berdeng ibabaw ay magamit para sa malikhaing paglalaro (imaginative play).

Chalk, pisara at duster

Illustration of a child drawing a teddy bear using the Kinder Kit chalk and activity case inside. Adult female wearing Hijab supervising child.

Ang pisara at chalk ay mabuti para sa pagkamalikhain at pag-unlad ng mga fine motor skill habang hinahawakan ng mga bata ang chalk. Ang pisara ay maaaring guhitan ng chalk at maaari ring gamitin upang lumikha ng mga hugis gamit ang playdough.

Maghanap ng lugar sa labas at iguhit ang nakikita mo sa paligid mo
Gamitin ang chalk upang lumikha ng isang mundo mula sa iyong imahinasyon
Magsanay sa pagsulat ng iyong pangalan
Gamitin ang koala sa duster upang lumikha ng rubbing art. Ilagay ang koala sa ilalim ng ilang papel at bahagyang ikiskis gamit ang chalk

Alam mo ba? Ang duster ng chalk ay naglalaman ng mga niresiklong plastik na natira noong ginawa ang pera ng Australya.

Mga Butil

Illustration of child and two adults outside. Child is wearing a hat and watering the Kinder Kit seeds in pots.

Ang pagtatanim ng mga butil kasama ang mga bata ay isang mayamang karanasan sa pag-aaral na nakabatay sa agham na nagbibigay-daan sa kanila para mamangha sa kalikasan. Matututo sila tungkol sa kalikasan, bumuo ng wika at matutong sumunod sa mga simpleng tagubilin. Matututunan din nila kung paano obserbahan ang mga bagay sa pagdaan ng mga araw.

Pag-usapan ang tungkol sa mga halaman at pangalanan ang kanilang mga bahagi
Magkasama ninyong itanim ang mga ito
Alamin ang tungkol sa paggulong ng buhay ng halaman
Pangalanan ang mga prutas at gulay sa mga tindahan

Alam mo ba? Ang Alfalfa ay isang legumbre mula sa pamilya ng gisantes at mayaman sa mga bitamina at mineral. Kapag nasaktan ang mga dahon ng halaman, nagpapadala ito ng senyales sa mga putakti na nagsasabi sa kanila na tulungan itong muling mag-pollinate. Maaari mo ring gamitin ito sa iyong pagluluto!

Pag-thread ng mga hayop

Illustration of child, adult and dog sitting on the floor inside. The adult and the child are using the Threading Animals activity from the Kinder Kit.

Ang maagang pagkabata ay kapag ang mga bata ay nagsisimulang magkaroon ng higit na kontrol sa mas maliliit na kalamnan sa kanilang mga kamay, daliri ng kamay, pulso, paa at daliri ng paa. Ang pag-unlad ng mga kalamnan ng mga kamay at daliri (fine motor skills) ay mahalaga para sa pansariling pangangalaga ng mga bata at sa kalaunan, para sa pagsusulat. Mapapaunlad ng iyong anak ang kanyang mga kakayahan sa paggamit ng mga kamay at daliri (fine motor skills) sa pamamagitan ng paglalaro ng playdough, krayola o pag-thread ng mga hayop at sa kalaunan, sa pagsusulat. Narito ang ilang mga paraan kung paano mo pauunlarin ang mga kasanayan sa kamay at daliri ng bata:

Ipasok ang lace sa mga butas ng hayop
Buksan at isara ang activity box
Pag-ensayo sa pagsara at pagbukas ng zipper o butones
Igulong ang playdough gamit ang mga kamay at daliri

Alam mo ba? Ang mga sintas ng sapatos ay ginagamit na simula pa noong mga 3000 BC para itali ang balat ng hayop (leather) sa mga paa.

Puzzle ng mapa ng Australya

Illustration of a family of two adults and one child sitting on the floor inside. The Australia map puzzle is partially complete. They are working on the puzzle together. One adult and the child are both holding a piece of the puzzle.

Ang mga simpleng puzzle ay tumutulong sa iyong anak na magkaroon ng pasensya, konsentrasyon, lumutas ng problema at paunlarin ang mga kakayahan sa mga daliri at kamay. Habang binubuo ng iyong anak ang puzzle, gumagawa siya ng mga desisyon, nakikilala niya ang mga hugis at ginagamit niya ang kanyang memorya.

Sanayin ang pagiging maangkop (resilient) sa pamamagitan ng trial at error upang makumpleto ang puzzle
Pag-usapan ang mga hayop
Sanayin ang paghahalinhinan ng tira sa paglalaro
Himukin ang mga bata na pag-usapan ang tungkol sa mga hugis at kung magkatugma ang mga ito

Alam mo ba? Ang echidna at platypus ang tanging mga mammal sa mundo na nangingitlog.

Mga krayola at art pad

Illustration of a family using the Kinder Kit Activity Pad. One parent is standing holding a newborn baby watching the second parent holding the activity pad while a child using a walking frame draws a dog on the pad with a green crayon.

Nagbibigay ng maraming paraan para matuto ang pagguhit gamit ang mga krayola:

pagpapabuti ng mga fine motor skill tulad ng paghawak ng lapis

koordinasyon ng kamay at mata
pag-aaral ng kulay at hugis
pagpapahayag ng pagkamalikhain gamit ang papel at iba pang materyales.

Ang pinakamahalaga, matututo ang mga bata na sabihin ang gusto nila nang ligtas at may kumpiyansa. Maaaring gumawa ang ilang bata ng mga guhit na hindi mo mawari at okay lang ito. Ito ang natural na proseso ng pagkatutong mag-drowing at magsulat.

Gamitin ang Art Pad para pumukaw ng mga ideya
Hikayatin ang mga karanasan sa pagguhit ng pamilya
Mag-usap habang nagdo-drowing ka
Pangalanan ang mga kulay at hugis

Alam mo ba? Ang mga krayola ay gawa sa beeswax, na nagmula sa pulot-pukyutan na ginawa ng mga bubuyog sa Victoria. Kapag nasa hardin ang mga bubuyog at nakahanap sila ng isang bagay na mahalaga para sa kanilang pamilya, bumabalik sila sa pugad (hive) at bahagyang paikot-ikot na sumasayaw.

Mga Shape Shaker

Illustration of adult and child inside, playing music. The adult is playing the triangle, and the child is using the Shape Shakers from the Kinder Kit. There is a guitar against the wall in the background and a snare drum on the floor in the foreground.

Ang paglikha ng musika ay isang masayang paraan para matuto ang mga bata ng mga bagong salita, umawit ng mga kanta, matuto kung paano magbilang at maging mabuti ang pakiramdam sa kanilang sarili. Ang pagsasayaw, pagkanta, paggalaw at pagtalon ay bahagi ng saya. Narito ang ilang ideya para mag-enjoy sa musika kasama ang anak mo:

Mag-eksperimento sa paggawa ng iba't ibang himig
Sumayaw, gumalaw at umindak sa saliw ng paborito mong kanta
Bilangin ang mga kumpas (beat)
Gumamit ng mga kanta o tula (rhymes) upang mapaunlad ang bokabularyo ng iyong anak

Alam mo ba? Maraming kultura ang naniniwala sa paggamit ng mga rainstick bilang instrumentong pangmusika upang magkaroon ng ulan sa panahon ng tagtuyot.

Playdough

Kapag gumagamit ang anak mo ng playdough para lumikha, gumagawa siya ng iba't ibang napakahalagang bagay:

pagpapabuti ng mga fine motor skill
paggamit ang kanilang mga pandama para tumuklas
paggamit ng kanilang imahinasyon.

Ang paglikha gamit ang playdough ay isang mahalagang bahagi ng pagkatuto ng anak mo.

Magpagulong ng bola, ipukol ito, pukpukin ito, pisilin ito
Gamitin ang koala sa duster bilang stamp
Magdagdag ng iba pang bagay tulad ng mga patpat o balahibo o shell
Gumawa ng mga pattern gamit ang anumang mahahanap mo

Alam mo ba? Madaling gawin sa bahay ang playdough at maraming mga recipe nito sa internet. Ang paggawa ng sarili mong playdough nang magkasama ay masayang aktibidad sa pag-aaral para ituro ang lahat mula sa maagang matematika hanggang sa agham para sa mga nagsisimula pa lamang.

Mga librong pambata

Illustration of a child looking at a book while sitting between their grandparents on a couch.

Ang pagbabasa ng mga libro nang sama-sama ay isang mahusay na paraan para maging malapit sa isa't isa at magpalipas ng oras bilang isang pamilya. Isa ito sa pinakamahalagang paraan para suportahan ang pag-unlad ng pagbasa at pagsulat. Ang pagbabahagi ng regular na oras ng pagkukuwento sa anak mo ay magpapahusay sa kanyang imahinasyon at bokabularyo.

Magkasamang pumili ng libro
Maghanap ng komportableng lugar para pumuwesto at magbasa
Hayaan siyang maglipat ng mga pahina
Iba-ibahin ang boses para sa mga tauhan, pag-usapan ang mga larawan

Alam mo ba? May matututunan sa madalas na pagbabasa ng parehong libro na hindi lamang nakatuon sa kuwento. Tanungin ang iyong anak kung ano ang kanyang nakikita, pag-usapan ang tungkol sa mga larawan at magtanong ng 'Ano kaya ang susunod na mangyayari?'

Mga puppet na pandaliri (finger puppets)

Illustration of adult and child outside, sitting on a picnic rug playing with Kinder Kit finger puppets.

Makakatulong ang mga finger puppet sa mga bata na makabisado ang wika, tuklasin ang mga damdamin, at matuto ng mga paraan kung paano nila mapapamahalaan ang mga damdamin sa pamamagitan ng pagdadrama. Ang pagkukuwento at pag-role-play ay isang mahalagang bahagi kung paano nauunawaan ng mga bata ang mundo at ang kanilang sarili.

Pangalanan ang mga hayop sa Ingles at sa iba pang mga wika
Lumikha ng mga tauhan
Gumawa-gawa ng mga kuwento
Gumamit ng mga puppet sa loob at sa labas

Alam mo ba? Maaari kang lumikha ng iba't ibang boses para sa bawat puppet, na ginagawang masaya ang malikhaing paglalaro.

Pagbabalanse ng mga hiyas (balancing gems)

Illustration of a family inside playing with the Kinder Kits balancing gems. There is a child on a mat balancing gems on top of a box. An adult male holding a baby is watching as the child places the third gem on the tower.

Ang balancing gems ay naghihikayat ng malikhaing paglalaro. Kapag ginamit upang magsalansan at magtayo, ang iba't ibang mga anggulo at hugis ng mga hiyas (gem) ay nagpapatatag ng kakayahang lumutas ng problema, magkaroon ng kaalaman at malay sa espasyo (spatial awareness) at kakayahan ng mga daliri, kamay at braso sa paghawak ng mga bagay (fine motor skills).

Lumikha gamit lang ang mga ito o samahan ng mga bloke (blocks) at karton
Sanaying maging mapagpasensya kapag nagsasalansan ng mga gem. Kung mahulog ang mga ito, huminga nang malalim nang 3 beses at subukang muli
Gamitin ang iyong imahinasyon upang lumikha ng iba't ibang mundo gamit ang mga gem
Gamitin ang wika sa paglalarawan ng hugis, sukat at kulay

Alam mo ba? May natagpuang mga hiyas gaya ng garnet, topaz at zircon sa Victoria.

Pagpapalakas ng komunidad

Illustration of an adult male and child standing at a round table looking at a world globe. There is a piece of paper on the table with “hello” written in different languages.

Isang magkakaiba-ibang komunidad ang Victoria, tahanan ng maraming kultura at iba't ibang sinasalitang wika. Ang pagkakaiba-iba ay malaking bahagi ng kung sino tayo. Ang mga item sa Kit ay sumusuporta sa mga pag-uusap tungkol sa iba't ibang komunidad. Para sa mga bata, magkasabay ang paglalaro at pag-aaral. Ang paglalaro ay kung paano natutuklasan at nalalaman ng mga bata ang tungkol sa kanilang sarili.

Gamitin ang playdough para magpanggap na gumagawa ng pagkain mula sa ibang kultura, o sa sarili mong kultura
Alugin ang mga Shape Shaker habang nakikinig sa tradisyonal na musika mula sa ibang mga kultura, o sa iyong sariling kultura
Kausapin ang anak mo tungkol sa ibang mga bansa at kanilang mga katutubong hayop

Alam mo ba? Maaari mong ma-access ang mga gabay na nasa iba't ibang wika dito sa vic.gov.au/kinder/translations(opens in a new window).

Mga Aklat sa Auslan

Illustration of an adult and child sitting on a purple mat inside while they watch a person on TV use sign language. The child is holding a book.

Lahat ng libro na kasama sa 2024 Kinder Kit ay may magagamit na mga pagsasalin sa Auslan. Maaari mong gamitin ang QR code sa ibaba para mag-link sa mga video ng mga aklat. Kasama rin sa mga video ang Auslan at nakasulat na pagpapaliwanag (captioning).

Ang Auslan ay sign language na ginagamit ng karamihan sa komunidad ng Australian Deaf at bahagi rin ng Victoria's Early Childhood Languages Program na makukuha sa ilang mga Four-Year-Old Kindergarten.

Natuklasan ng mga dalubhasa sa edukasyon na maraming benepisyo ang pag-aaral ng mga bata ng ibang wika sa murang edad, kabilang ang:

nadagdagan ang mga kasanayan bago makapagbasa (pre-reading) at makapagsulat (pre-writing)
cognitive flexibility
pagpapalakas ng pagpapahalaga sa sarili at kagalingan
pinalakas na pagkakakilanlan ng kultura.

I-click mo ang link na ito para panoorin ang mga video tungkol sa pagbabasa ng libro na may kasamang Auslan at captioning.

Alam mo ba? Ang Pamahalaang Victoria ay nagbibigay ng karagdagang pondo sa mga kalahok na kinder upang makapag-empleyo ng isang kwalipikadong guro ng wika na magtuturo ng bahagi ng programang Four-Year-Old Kinder sa ibang wika nang walang karagdagang gastos sa mga magulang. Alamin ang higit pa: vic.gov.au/early-childhood-language-program.

Kagalingan at karagdagang suporta

Illustration of two adults talking inside while two children are sitting on the floor playing with blocks.

Lahat ng mga bata ay natututo sa magkakaibang paraan at sa kaniya-kaniyang bilis. Nag-aalok ang Kinder Kit sa anak mo ng mga aklat at mga laruan na maaaring gamitin sa maraming iba't ibang paraan para hamunin ang lahat ng kakayahan. Kung sa palagay mo ay mangangailangan ka o ang iyong anak ng karagdagang suporta, may ilang paraan para maka-access ng tulong:

Ang mga guro sa kindergarten ng Victoria ay may mga kasanayan at kaalaman na makakatulong. Kausapin ang guro ng anak mo tungkol sa iyong mga tanong
Magpa-appointment para magpatingin sa doktor mo o maternal at child health nurse para talakayin ang iyong mga katanungan
Tawagan ang Parentline sa 13 22 89 para sa libre at kumpidensyal na pagpapayo at suporta

Kailangan mo ba ng Suporta? Para malaman ang higit pa tungkol sa mga uri ng suporta na maaaring makuha para sa anak mo, pumunta sa: www.vic.gov.au/kindergarten-programs-and-initiatives. Maaari ka ring humingi sa guro sa kinder ng karagdagang gabay sa mga naaangkop na suporta para sa anak mo.

Paggalang sa pagkakakilanlan

Illustration of two children sitting inside on the floor while an adult points to symbols on a yellow mat. There is an Acknowledgement of Country sign on the wall in the background.

Ang mga kultura ng Koorie ay mahalagang bahagi ng kasaysayan ng Australya. Ang paghikayat sa lahat ng bata na matuto tungkol sa lahat ng mga kultura ay nagdudulot ng pang-unawa, pagtanggap at pagmamalaki. Ang mga kultura ng Aboriginal at Torres Strait Islander ay buhay at umuunlad sa kasalukuyan, at ipinagmamalaki naming ipagdiwang ang mga ito bilang mga may-akda at alagad ng sining sa mga Kit. Narito ang ilan sa mga aktibidad na makakatulong sa iyong anak na mas marami pang matututunan tungkol sa mga tradisyon at kultura ng Koorie.

Alamin ang mga simbolo ng Koorie para sa mga bagay o hayop
Pag-usapan ang tungkol sa mga pinuno ng Koorie, mga bayani sa palakasan (sporting heroes) o mga alagad ng sining
Magkaroon ng karagdagang kaalaman tungkol sa mga kultura at tao ng Koorie

Alam mo ba? Ang website ng Victorian Aboriginal Education Association Inc. ay may masasaya at nakakaengganyong mga aktibidad na tumutuklas sa mga tradisyon at kultura ng Koorie. Bisitahin ang website sa: vaeai.org.au.

Aborihinal na likhang sining

Illustration of a koala sitting in a tree at nighttime. This is the Aboriginal artwork designed for the Kinder Kit activity box.

Gabi na sa Gunditjmara Mirring (Country). Ang buwan at maraming mga bituin ay nagniningning sa kalangitan.

Ang mga bakas ng karrayn (kangaroo) ay nakakalat sa buong Mirring. Minsan makikita mo ang karrayn na lumulukso o kumakain ng damo.

Si Weengkeel (koala) ay gising na at nakakapit sa isang sanga ng river red gum tree. Ang punong ito ay ginagamit upang lumikha ng mga bagay tulad ng mga kalasag, canoe at coolamon.

Mahalaga ang lupa, langit, tubig at mga hayop. Tandaan na igalang ang mga ito.

Si Nakia Cadd ay isang Gunditjmara, Yorta Yorta, Dja Dja Wurrung, Bunitj, Boon Wurrung at Taungurung na babae. Si Nakia ay isang ina, alagad ng sining at may-ari ng maliit na negosyo na 'More than Lines' at mahilig kumuha at magbahagi ng mga kuwento sa pamamagitan ng sining.

Itanong: Sino ang mga Tradisyunal na May-ari ng lupain na iyong tinitirhan, kung saan ka natututo at naglalaro? Kapag ikaw ay nasa labas, ano ang iyong nakikita, naaamoy at naririnig?

Back cover instructions about the kinder kit packaging, includes an illustration of a child holding the Kinder Kit.

Education

Updated 15 February 2024