ܟܲܪܡܘܼܟܼܬܵܐ ܕܓܲܢܬܵܐ ܕܫܲܒܼܪܹ̈ܐ (Kinder Kits) - (ܐܵܬܘܿܪܵܝܵܐ) Assyrian

ܩܵܐ ܫܲܒܼܪܹ̈ܐ، ܛܲܐܲܠܬܵܐ ܘܝܠܵܦܬܵܐ ܟܹܐ ܓ̰ܵܘܓ̰ܝܼ ܥܲܡܚܕܵܕܹ̈ܐ. ܛܲܐܲܠܬܵܐ ܝܼܠܵܗܿ ܗܿܝ ܐܘܼܪܚܵܐ ܕܕܵܐܟܼܝܼ ܫܲܒܼܪܹ̈ܐ ܟܹܐ ܡܲܫܟܼܚܝܼ ܘܝܵܠܦܝܼ ܒܘܼܬ ܓܵܢܲܝܗܝ ܘܒܘܼܬ ܕܘܼܢܝܹܐ ܕܚܲܕܸܪܘܵܢܲܝܗܝ. ܐܲܒ݂ܵܗܹ̈ܐ، ܝܵܨܘܿܦܹ̈ܐ ܘܒܲܝܬܘܼܝܵܬܹ̈ܐ ܝܼܢܵܐ ܚܲܕ݉ ܣܲܗܡܵܐ ܓܘܼܒ݂ܪܵܐ ܕܗ̇ܘ ܚܙܘܼܩܝܵܐ. ܟܠܚܲܕ ܡܸܢܕܝܼ ܓܵܘ Kinder Kit ܕܫܲܒܼܪܵܘܟܼܘܿܢ ܦܝܼܫܵܐ ܝܠܹܗ ܡܬܘܼܪܨܵܐ ܕܦܵܐܹܫ ܫܘܼܪܸܟܵܐ ܘܚܡܝܼܠܵܐ ܒܝܼܹܗ ܐܲܝܟܼ ܒܲܝܬܘܼܬܵܐ.

ܓܵܘ ܓܲܢܬܵܐ ܕܫܲܒܼܪܹ̈ܐ، ܟܲܪܟܘܼܒܼܵܐ ܒܼܸܟܬܘܿܪܵܝܵܐ ܕܝܠܵܦܬܵܐ ܘܡܛܲܘܪܵܢܘܼܬܵܐ ܕܒܫܸܢܹ̈ܐ ܒܟܼܝܼܪ̈ܵܝܹܐ (VEYLDF) (Victorian Early Years Learning and Development Framework) ܦܝܼܫܵܐ ܝܠܹܗ ܡܘܼܦܠܸܚܵܐ ܩܵܐ ܡܲܒܪܵܝܬܵܐ ܕܢܸܣܝܵܢܹ̈ܐ ܕܝܠܵܦܬܵܐ ܕܟܹܐ ܣܵܢܕܝܼ ܠܫܲܒܼܪܵܘܟܼܘܿܢ ܕܓܲܪܘܸܣ ܘܡܲܢܬܹܐ ܓܵܘ ܚܲܡܫܵܐ ܦܠܵܛܹ̈ܐ ܕܝܠܵܦܬܵܐ ܘܡܛܲܘܪܵܢܘܼܬܵܐ. ܐܲܢܹܐ ܚܲܡܫܵܐ ܦܠܵܛܹ̈ܐ ܝܼܢܵܐ:

ܨܲܢܕܘܼܩܵܐ ܕܥܒ݂ܵܕܹ̈ܐ ܝܼܠܹܗ ܒܘܼܫ ܙܵܘܕܵܐ ܡ݂ܢ ܥܘܼܠܒܵܐ ܕܛܵܥܹܢ ܟܬܵܒܹ̈ܐ ܘܛܲܐܲܠܝܵܬܹ̈ܐ. ܡܸܬܡܵܨܝܵܢܬܵܐ ܝܠܵܗ̇ ܕܦܵܐܹܫ ܡܘܿܦܠܸܚܵܐ ܩܵܐ ܗܲܝܲܪܬܵܐ ܕܝܘܼܠܦܵܢܵܐ ܘܛܘܼܘܵܪܵܐ ܒܪܲܒܵܐ ܐܘܼܖ̈ܚܵܬܹܐ.

• ܫܩܘܿܠܘܼܢ ܠܨܲܢܕܘܼܩܵܐ ܕܥܵܒ݂ܘܿܕܘܼܝܵܬܹ̈ܐ ܥܲܡܵܘܟ݂ܘܿܢ ܠܚܲܕ݉ ܛܘܼܝܵܠܵܐ ܐܵܘ ܦܠܵܛܬܵܐ ܥܲܡ ܚܲܒ݂ܖ̈ܵܘܵܬܹܐ ܘܒܢܲܝ̈ ܒܲܝܬܵܐ
• ܦܪܝܼܣܬܵܐ ܕܠܵܝܫܵܐ ܕܛܲܐܲܠܬܵܐ

• ܚܲܕ݉ ܡܣܵܢܕܵܢܵܐ ܕܛܲܐܲܠܬܵܐ

ܟܹܐ ܝܵܕܥܝܼܬܘܿܢ ܗܘܵܐ؟ ܓ̰ܲܢܬܵܐ ܕܥܵܒܼܘܿܕܘܼܬܵܐ ܕ Kit ܝܼܠܵܗܿ ܬܘܼܪܸܨܬܵܐ ܕܗܵܘܝܵܐ ܚܲܕ ܗܘܼܠܵܐ ܠܵܐ ܚܲܙܕܸܓܵܢܵܐ ܠܡܲܚܕܘܼܪܵܐ. ܦܝܼܫܵܐ ܝܠܹܗ ܡܬܘܿܪܨܵܐ ܡ݂ܢ ܡܸܢܕܝܵܢܹ̈ܐ ܡܖ̈ܘܿܦܝܹܐ ܐܲܝܟ݂ ܕܡܸܬܡܵܨܝܵܢܬܵܐ ܝܠܵܗ̇ ܘܡܵܨܝܼܬܘܿܢ ܡܲܦܠܸܚܝܼܬܘܿܢ ܠܗ݉ܘܿܢ ܩܵܐ ܚܲܡܵܝܬܵܐ ܕܡܸܢܕܝܵܢܹ̈ܐ ܛܝܼܡܵܢܹ̈ܐ ܕܫܲܒ݂ܪܵܘܟ݂ܘܿܢ. ܛܥܘܿܦܘܼܢ ܠܟܝܼܣܬܵܐ ܥܲܠ ܡܣܵܢܕܵܢܵܐ ܐܵܘ ܦܲܫܩܘܼܢ ܠܵܗ̇ ܕܦܵܝܫܵܐ ܦܵܬܵܐ ܩܝܼܢܬܵܐ ܡܘܿܦܠܸܚܬܵܐ ܩܵܐ ܛܲܐܲܠܬܵܐ ܡܨܘܿܠܡܸܢܬܵܐ.

ܐܲܪܒܘܼܒܝܵܐ، ܠܘܼܚܵܐ ܘܫܵܝܦܵܢܬܵܐ

ܙܪܵܥܬܵܐ ܕܒܲܪܙܵܪ̈ܥܹܐ ܥܲܡ ܫܲܒܼܪܹ̈ܐ ܝܼܠܵܗܿ ܚܲܕ ܢܸܣܝܵܢܵܐ ܕܝܠܵܦܬܵܐ ܥܲܬܝܼܪܵܐ، ܒܸܢܝܵܐ ܥܲܠ ܥܸܠܡܵܐ ܕܟܹܐ ܫܵܒܼܸܩܠܗܘܿܢ ܕܚܵܙܝܼ ܥܵܓ̰ܝܼܒܘܼܝܵܬܹ̈ܐ ܕܕܘܼܢܝܹܐ ܟܝܵܢܵܝܬܵܐ. ܐܵܢܝܼ ܒܸܕ ܝܵܠܦܝܼ ܒܘܼܬ ܟܝܵܢܵܐ، ܘܒܵܢܝܼ ܠܠܸܫܵܢܵܐ ܘܝܵܠܦܝܼ ܕܬܵܒܥܝܼ ܦܘܼܩܕܵܢܹ̈ܐ ܦܫܝܼܛܹ̈ܐ. ܐܵܦ ܒܸܕ ܝܵܠܦܝܼ ܕܵܐܟܝܼ ܚܵܙܝܼ ܠܡܸܢܕܝܼܵܢܹ̈ܐ ܒܥܒܼܵܪܬܵܐ ܕܥܸܕܵܢܵܐ.

ܟܹܐ ܝܵܕܥܝܼܬܘܿܢ ܗܘܵܐ؟ ܒܲܪܣܝܼܡܵܐ ܝܼܠܹܗ ܚܲܕ ܒܲܩܠܵܐ ܡܼܢ ܬܲܗܵܪܵܐ ܕܒܲܙܵܠܝܵܐ ܕܡܸܠܝܵܐ ܝܠܹܗ ܒܼܵܝܬܵܡܝܼܢܹ̈ܐ ܘܚܸܦܪܹ̈ܐ. ܐܝܼܡܲܢ ܕܛܲܪ̈ܦܹܐ ܕܢܸܨܸܒܬܵܐ ܦܵܝܫܝܼ ܚܘܼܙܕܸܓܹܐ ܟܹܐ ܫܲܕܪܵܐ ܚܕܵܐ ܐܸܓܲܪܬܵܐ ܩܵܐ ܕܸܒܘܿܪܹ̈ܐ (ܙܲܪ̈ܩܸܛܹܐ ܓܘܼܒܼܪܹ̈ܐ) ܕܐܵܡܪܵܐܠܗܘܿܢ ܕܗܲܝܸܪܝܼ ܠܵܗܿ ܒܬܢܵܝܬܵܐ ܕܛܲܥܲܡܬܵܐ. ܐܵܦ ܡܵܨܝܼܬܘܿܢ ܡܲܦܠܸܚܝܼܬܘܿܢ ܠܹܗ ܓܵܘ ܒܲܫܲܠܬܵܘܟ݂ܘܿܢ!

ܚܲܝܘܵܬܹ̈ܐ ܡܘܿܡܛܝܹ̈ܐ ܒܓܸܕܵܐ

ܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܝܼܠܵܗ̇ ܐܝܼܡܲܢ ܕܫܲܒܼ̈ܪܹܐ ܫܲܪܝܼ ܩܢܵܝܵܐ ܚܲܟܲܡܬܵܐ ܥܲܠ ܥܨܵܠܝܵܬܹ̈ܐ ܒܘܼܫ ܙܥܘܿܖܹ̈ܐ ܓܵܘ ܐܝܼܕܵܬܵܝ̈ܗܝ، ܨܸܒܥܵܬܵܝ̈ܗܝ، ܟܢܘܼܢܝܵܬܵܝ̈ܗܝ، ܐܲܩܠܵܬܵܝ̈ܗܝ ܘܨܸܒܥܵܬܹ̈ܐ ܕܐܲܩܠܵܬܵܝ̈ܗܝ. ܛܲܘܲܪܬܵܐ ܕܥܨܵܠܝܵܬܹ̈ܐ ܕܲܩܝܼܩܹ̈ܐ ܕܓ̰ܘܵܓ̰ܵܐ ܓܵܘ ܐܝܼܕܵܬܹ̈ܐ ܘܨܸܒܥܵܬܹ̈ܐ ܝܼܠܵܗ̇ ܐܵܢܲܢܩܵܝܬܵܐ ܩܵܐ ܡܲܣܲܡܬܵܐ ܒܵܠܵܐ ܕܫܲܒܼ̈ܪܹܐ ܥܲܠ ܓܵܢܵܝܗܝ، ܘܒܵܬܲܪ ܗܵܕܵܟ݂، ܩܵܐ ܟܬܵܒ݂ܬܵܐ. ܫܲܒ݂ܪܵܘܟ݂ܘܿܢ ܡܵܨܹܐ ܡܛܲܘܸܪ ܠܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ ܒܡܲܦܠܲܚܬܵܐ ܕܠܵܝܫܵܐ ܕܛܲܐܲܠܬܵܐ، ܩܲܠܵܡܹ̈ܐ ܕܓܵܘܢܹ̈ܐ ܐܵܘ ܚܲܝܘܵܬܹ̈ܐ ܡܘܿܡܛܝܹ̈ܐ ܒܓܸܕܵܐ ܘܒܵܬܲܪ ܗܵܕܵܟ݂، ܩܵܐ ܟܬܵܒ݂ܬܵܐ. ܠܐܲܟ݂ܵܐ ܝܼܢܵܐ ܚܲܕ݉ܟܡܵܐ ܐܘܼܖ̈ܚܵܬܹܐ ܕܡܵܨܝܼܬܘܿܢ ܡܲܦܠܸܚܝܼܬܘܿܢ ܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ:

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܓܸܕܹ̈ܐ ܕܨܵܘܠܹ̈ܐ ܦܝܼܫܹܐ ܝܢܵܐ ܡܘܼܦܠܸܚܹܐ ܗܵܐ ܡܼܢ ܩܘܼܪܒܵܐ ܠ 3000 ܫܸܢܹ̈ܐ ܡܼܢ ܩܵܕ݉ܡ ܡܫܝܼܚܵܐ ܩܵܐ ܐ݉ܣܵܪܬܵܐ ܕܓܸܠܕܵܐ ܠܐܲܩܠܵܬܹ̈ܐ.

ܐܘܼܚܕܬܵܐ ܕܡܵܦܵܐ ܕܐܘܿܣܬܪܵܠܝܵܐ

ܐܘܼܚܕܝܵܬܹ̈ܐ ܦܫܝܼܛܹ̈ܐ ܟܹܐ ܡܗܲܝܸܪܝܼ ܠܫܲܒ݂ܪܵܘܟ݂ܘܿܢ ܕܡܛܲܘܸܪ ܠܡܣܲܝܒܪܵܢܘܼܬܵܐ، ܩܲܢܛܪܲܢܬܵܐ ܕܬܲܚܡܲܢܬܵܐ، ܫܪܵܝܬܵܐ ܕܥܲܣܩܘܼܝܵܬܹ̈ܐ ܕܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ. ܟܲܕ ܫܲܒ݂ܪܵܘܟ݂ܘܿܢ ܒܸܒܠܵܓܵܐ ܝܠܹܗ ܒܗ̇ܝ ܐܘܼܚܕܬܵܐ، ܥܒ݂ܵܕܵܐ ܝܠܹܗ ܓܘܼܒܵܝܹ̈ܐ، ܒܝܼܕܵܥܵܐ ܝܠܹܗ ܦܸܨܠܹ̈ܐ ܘܡܲܦܠܘܿܚܹܐ ܝܠܹܗ ܕܟ݂ܵܪܬܹܗ.

ܟܹܐ ܝܵܕܥܝܼܬܘܿܢ ܗܘܵܐ؟ ܐܝܼܟܸܕܢܵܐ ܘܦܠܵܬܝܼܦܘܼܣ ܝܼܢܵܐ ܐܲܚܟ̰ܝܼ ܚܲܝܘܵܬܹ̈ܐ ܬܲܕܝܼܵܬܹ̈ܐ ܓܵܘ ܬܹܒܹܝܠ ܕܟܹܹܐ ܪܵܡܝܼ ܒܝܼܥܹ̈ܐ.

ܕܲܦ̮ܬܲܪ ܕܐܘܼܡܵܢܘܼܬܵܐ ܘܩܲܠܵܡܹ̈ܐ ܕܓܵܘܢܹ̈ܐ

ܒܪܵܝܬܵܐ ܕܡܘܿܣܝܼܩܝܼ ܝܼܠܵܗ̇ ܐܘܼܪܚܵܐ ܕܒܘܼܣܵܡܵܐ ܩܵܐ ܫܲܒ݂ܼ̈ܪܹܐ ܕܝܵܠܦܝܼ ܚܲܒ̈ܪܹܐ ܚܲܕܬܹ̈ܐ، ܙܵܡܪܝܼ ܙܡܝܼܖ̈ܝܵܬܹܐ، ܝܵܠܦܝܼ ܕܵܐܟ݂ܝܼ ܡܵܢܝܼ ܘܪܵܓ݂ܫܝܼ ܨܦܵܝ ܒܘܼܕ ܓܵܢܵܝܗܝ. ܪܸܩܕܵܐ، ܙܡܵܪܵܐ، ܫܲܢܘܿܝܹܐ ܘܢܕܵܝܵܐ ܝܼܢܵܐ ܟܠܲܝܗܝ ܚܲܕ݉ ܣܲܗܡܵܐ ܡ݂ܢ ܒܘܼܣܵܡܵܐ. ܠܲܐܟܼܵܐ ܝܼܢܵܐ ܚܲܕ݉ܟܡܵܐ ܬܲܚܡܲܢܝܵܬܹ̈ܐ ܩܵܐ ܕܡܲܒܣܸܡܝܼܬܘܿܢ ܒܡܘܿܣܝܼܩܵܐ ܥܲܡ ܫܲܒܼܪܵܘܟܼܘܿܢ:

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܪܲܒܵܐ ܡܲܪܕܘܼܝܵܬܹ̈ܐ ܟܹܐ ܡܗܲܝܡܸܢܝܼ ܒܡܲܦܠܲܚܬܵܐ ܕܩܲܝܣܹ̈ܐ ܕܡܸܛܪܵܐ ܐܲܝܟ݂ ܡܵܐܢܵܐ ܕܡܘܿܣܝܼܩܝܼ ܩܵܐ ܡܲܨܠܲܝܬܵܐ ܕܡܸܛܪܵܐ ܒܥܸܕܵܢܵܐ ܕܝܲܒܝܼܫܘܼܬܵܐ.

ܠܵܝܫܵܐ ܕܛܲܐܲܠܬܵܐ

ܐܝܼܡܲܢ ܕܫܲܒܼܪܵܘܟܼܘܿܢ ܡܲܦܠܘܼܚܹܐ ܝܠܹܗ ܠܵܝܫܵܐ ܕܛܲܐܲܠܬܵܐ ܩܵܐ ܕܡܲܒܪܹܐ ܚܲܕ ܡܸܢܕܝܼ، ܗܿܘ ܒܸܥܒܼܵܕܵܐ ܝܠܹܗ ܚܲܕܕܵܪܝܵܐ ܡܸܢܕܝܼܵܢܹ̈ܐ ܪܵܒܵܐ ܐܵܢܲܢܩܵܝܹ̈ܐ:

ܡܲܒܪܵܝܬܵܐ ܒܠܵܝܫܵܐ ܕܛܲܐܲܠܬܵܐ ܝܼܠܹܗ ܚܲܕ ܣܵܗܡܵܐ ܐܵܢܲܢܩܵܝܵܐ ܕܝܠܵܦܬܵܐ ܩܵܐ ܫܲܒܼܪܵܘܟܼܘܿܢ.

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܠܵܝܫܵܐ ܕܛܲܐܲܠܬܵܐ ܗܵܣܵܢܵܝ ܝܠܵܗܿ ܬܲܪܲܨܬܹܗ ܓܵܘ ܒܲܝܬܵܐ ܘܐܝܼܬ ܪܵܒܵܐ ܐܘܼܪ̈ܚܵܬܹܐ ܩܵܐ ܬܲܪܲܨܬܵܐ ܕܡܸܢܕܝܼܵܢܹ̈ܐ ܡܸܢܹܗ ܥܲܠ ܐܸܢܬܸܪܢܸܬ. ܬܲܪܲܨܬܵܐ ܕܠܵܝܫܵܐ ܕܛܲܐܲܠܬܵܐ ܕܕܝܼܵܘܟܼܘܿܢ ܝܼܠܵܗܿ ܚܕܵܐ ܥܵܒܼܘܿܕܘܼܬܵܐ ܡܲܚܡܸܠܵܢܬܵܐ ܕܝܠܵܦܬܵܐ ܩܵܐ ܡܲܠܲܦܬܵܐ ܕܟܠ ܡܸܢܕܝܼ ܡܼܢ ܡܲܢܵܝܘܼܬܵܐ ܒܟܼܝܼܪܵܝܬܵܐ ܠܥܸܠܡܵܐ ܩܵܐ ܫܲܪܝܵܢܹ̈ܐ.

ܟܬܵܒܹ̈ܐ ܕܫܲܒܼ̈ܪܹܐ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܐܝܼܬ ܚܲܕ ܝܘܼܬܪܵܢܵܐ ܒܩܪܵܝܬܵܐ ܕܗܲܪ ܗܿܘ ܟܬܵܒܼܵܐ ܪܵܒܵܐ ܓܵܗܹ̈ܐ ܘܠܵܐ ܐܲܚܟ̰ܝܼ ܩܲܢܛܪܵܢܬܵܐ ܕܚܝܼܵܠܵܘܟܼܘܿܢ ܥܲܠ ܬܘܼܢܝܼܬܵܐ. ܒܲܩܪܘܼܢ ܠܹܗ ܫܲܒܼܪܵܘܟܼܘܿܢ ܒܘܼܬ ܡܘܿܕܝܼ ܝܠܹܗ ܒܸܚܙܵܝܵܐ، ܗܲܡܙܸܡܘܼܢ ܒܘܼܬ ܨܘܼܪ̈ܝܵܬܹܐ ܘܒܲܩܪܘܼܢ ‘ܐܵܢܵܐ ܒܵܥܝܵܢ ܝܵܕܥܵܢ ܝܵܐ ܪܲܒ ܡܘܿܕܝܼ ܒܸܕ ܗܵܘܹܐ ܒܵܬ݉ܪ ܗܵܕܵܟܼ؟’

ܒܘܼܩܝܵܬܹ̈ܐ ܕܨܸܒܥܵܐ

ܒܘܼܩܝܵܬܹ̈ܐ ܕܨܸܒܥܵܐ ܡܵܨܝܼ ܗܲܝܸܪܝܼ ܩܵܐ ܫܲܒ݂ܼ̈ܪܹܐ ܕܗܵܘܝܼ ܡܗܝܼܖܹ̈ܐ ܒܠܸܫܵܢܵܐ، ܨܲܚܨܝܼ ܠܖܸ̈ܓ݂ܫܹܐ، ܘܝܵܠܦܝܼ ܠܐܘܼܖ̈ܚܵܬܹܐ ܕܡܵܨܝܼ ܡܕܲܒܪܝܼ ܠܗ݉ܘܿܢ ܒܐܘܼܪܚܵܐ ܕܛܲܐܲܠܬܵܐ ܕܪܵܡܵܝܬܵܐ. ܬܲܢܲܝܬܵܐ ܕܬܘܼܢܝܼܬܵܐ ܘܡܘܼܬܵܠܵܐ ܝܼܠܵܗ̇ ܚܲܕ݉ ܣܲܗܡܵܐ ܐܵܢܲܢܩܵܝܵܐ ܕܕܵܐܟ݂ܝܼ ܫܲܒܼ̈ܪܹܐ ܟܹܐ ܦܲܪܡܝܼ ܠܬܹܒܹܝܠ ܘܠܓܵܢܵܝܗܝ.

ܟܹܐ ܝܵܕܥܝܼܬܘܿܢ ܗܘܵܐ؟ ܡܵܨܝܼܬܘܿܢ ܒܵܪܝܼܬܘܿܢ ܩܵܠܹ̈ܐ ܦܪܝܼܫܹ̈ܐ ܩܵܐ ܟܠ ܒܘܼܩܬܵܐ، ܥܵܒ݂ܕܝܼܬܘܿܢ ܠܵܗ̇ ܚܕܵܐ ܐܘܼܪܚܵܐ ܕܒܘܼܣܵܡܵܐ ܩܵܐ ܕܚܵܡܠܝܼܬܘܿܢ ܒܛܲܐܲܠܬܵܐ ܒܵܪܝܵܢܬܵܐ.

ܫܵܘܝܘܼܬܵܐ ܕܟܹܐܦܹ̈ܐ ܛܝܼܡܵܢܹ̈ܐ

ܫܵܘܝܘܼܬܵܐ ܕܟܹܐܦܹ̈ܐ ܛܝܼܡܵܢܹ̈ܐ ܟܹܐ ܡܚܲܦܛܵܐ ܠܛܲܐܲܠܬܵܐ ܒܵܪܝܵܢܬܵܐ. ܐܝܼܡܲܢ ܕܝܵܠܦܝܼܬܘܿܢ ܕܡܲܬܒ݂ܝܼܬܘܿܢ ܪܹܫ ܚܕܵܕܹ̈ܐ ܘܒܵܢܝܼܬܘܿܢ، ܙܵܘܝܼܵܬܹ̈ܐ ܘܦܸܨܠܹ̈ܐ ܦܪܝܼܫܹ̈ܐ ܕܟܹܐܦܹ̈ܐ ܛܝܼܡܵܢܹ̈ܐ ܡܲܛܐܸܒ݂ܝܼ ܫܪܵܝܬܵܐ ܕܩܸܛܖܹ̈ܐ ܘܦܲܪܡܵܝܬܵܐ ܕܘܼܟܬܵܢܵܝܬܵܐ ܘܡܗܝܼܪܘܼܝܵܬܹ̈ܐ ܙܵܘܥܵܝܹ̈ܐ ܕܲܩܝܼܩܹ̈ܐ.

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐܦܹ̈ܐ ܝܲܩܝܼܪܹ̈ܐ ܐܲܝܟ݂ ܙܵܪܓܵܐ (ܓܵܪܢܝܼܬ)، ܛܘܿܦܵܙܝܘܿܢ (ܬܘܼܦܵܙ) ܘܙܝܼܪܟܘܿܢ ܦܝܼܫܹ̈ܐ ܝܢܵܐ ܡܫܟ݂ܝܼܚܹ̈ܐ ܓܵܘ ܒ݂ܝܼܟܬܘܿܪܝܵܐ.

ܒܢܵܝܬܵܐ ܕܟܢܘܼܫܬܵܐ

ܒܼܝܼܟܬܘܿܪܝܵܐ ܝܼܠܵܗܿ ܚܕܵܐ ܟܢܘܼܫܬܵܐ ܕܒܸܚܒܼܵܫܵܐ ܝܠܵܗܿ ܡܲܪ̈ܕܘܼܝܵܬܹܐ ܡܫܲܚܠܦܹ̈ܐ، ܘܝܼܠܵܗܿ ܒܲܝܬܵܐ ܩܵܐ ܪܵܒܵܐ ܡܲܪ̈ܕܘܼܝܵܬܹܐ ܕܠܸܫܵܢܹ̈ܐ ܦܪܝܼܫܹ̈ܐ ܕܟܹܐ ܦܵܝܫܝܼ ܗܘܼܡܙܸܡܹܐ. ܦܪܝܼܫܘܼܬܵܐ ܝܼܠܵܗܿ ܚܲܕ ܣܵܗܡܵܐ ܓܘܼܒܼܪܵܐ ܕܡܘܿܕܝܼ ܟܹܐ ܥܵܒܼܹܕܠܲܢ ܡܵܢܝܼ ܐܲܚܢܲܢ ܝܘܲܚ. ܡܸܢܕܝܼܵܢܹ̈ܐ ܕܓܵܘ Kit ܟܹܐ ܣܵܢܕܝܼ ܠܗܲܡܙܲܡܝܵܬܹ̈ܐ ܒܘܼܬ ܟܢܘܼܫܝܵܬܹ̈ܐ ܦܪ̈ܝܼܫܹܐ. ܩܵܐ ܫܲܒܼܪܹ̈ܐ، ܛܲܐܲܠܬܵܐ ܘܝܠܵܦܬܵܐ ܟܹܐ ܓ̰ܵܘܓ̰ܝܼ ܥܲܡܚܕܵܕܹ̈ܐ. ܛܲܐܲܠܬܵܐ ܝܼܠܵܗܿ ܕܵܐܟܼܝܼ ܫܲܒܼܪܹ̈ܐ ܟܹܐ ܡܲܫܟܼܚܝܼ ܘܝܵܠܦܝܼ ܒܘܼܬ ܓܵܢܲܝܗܝ.

ܟܹܐ ܝܵܕܥܝܼܬܘܿܢ ܗܘܵܐ؟ ܡܵܨܝܼܬܘܿܢ ܕܡܵܛܝܼܬܘܿܢ ܠܡܲܗܕܝܵܢܹ̈ܐ ܒܪܲܒܵܐ ܠܸܫܵܢܹ̈ܐ ܠܐܲܟ݂ܵܐ: vic.gov.au/kinder/translations(opens in a new window).

ܟܬܵܒܼܹ̈ܐ ܒܠܸܫܵܢܵܐ ܕ Auslan

ܢܩܘܿܪܘܼܢ ܥܲܠ ܐܵܗܵܐ ܐܲܣܘܼܪܵܐ ܩܵܐ ܕܚܵܙܝܼܬܘܿܢ ܒ݂ܝܼܕܝܘܿܝܹ̈ܐ ܕܩܪܵܝܬܵܐ ܕܟܬܵܒܹ̈ܐ ܕܒܸܚܒ݂ܵܫܵܐ ܝܢܵܐ ܐܘܿܣܠܵܐܢ ܘܡܲܢܗܲܪܬܵܐ.

ܟܹܐ ܝܵܕܥܝܼܬܘܿܢ ܗܘܵܐ؟ ܫܘܼܠܛܵܢܵܐ ܕܒ݂ܝܼܟܬܘܿܪܝܵܐ ܟܹܐ ܡܲܩܪܸܒ݂ ܙܘܼܙܹ̈ܐ ܙܵܘܕܵܢܹ̈ܐ ܩܵܐ ܓܲܢܬܵܐ ܕܫܲܒ݂ܼ̈ܪܹܐ ܡܫܲܖܸ̈ܟܵܢܹܐ ܩܵܐ ܡܲܦܠܲܚܬܵܐ ܕܡܲܠܦܵܢܵܐ ܦܣܝܼܣܵܐ ܕܠܸܫܵܢܵܐ ܩܵܐ ܕܡܲܩܪܸܒ݂ ܚܲܕ݉ ܣܲܗܡܵܐ ܡ݂ܢ ܚܘܼܪܙܵܐ ܕܐܲܪܒܥܵܐ ܫܸܢܹ̈ܐ ܕܓܲܢܬܵܐ ܕܫܲܒ݂ܼ̈ܪܹܐ ܒܠܸܫܵܢܵܐ ܐ݉ܚܪܹܢܵܐ ܕܠܵܐ ܦܘܼܪܥܵܢܵܐ ܙܵܘܕܵܢܵܐ ܡ݂ܢ ܐܲܒ݂ܵܗܹ̈ܐ. ܝܠܘܿܦܘܼܢ ܒܘܼܫ ܙܵܘܕܵܐ ܡܼܢ ܥܲܠ ܫܵܘܦܵܐ: vic.gov.au/early-childhood-language-program.

ܛܵܒ݂ܘܼܬܵܐ ܘܗܲܝܲܪܬܵܐ ܙܵܘܕܵܢܬܵܐ

ܟܠܲܝܗܝ ܫܲܒܼܪܹ̈ܐ ܟܹܐ ܝܵܠܦܝܼ ܒܐܘܼܪ̈ܚܵܬܹܐ ܦܪ̈ܝܼܫܹܐ ܘܒܓ̰ܲܠܕܘܼܬܵܐ ܕܠܲܚܡܵܐ ܥܲܡܲܝܗܝ. Kinder Kitܟܹܐ ܡܲܩܪܸܒܼܵܐ ܟܬܵܒܼܹ̈ܐ ܘܒܘܼܩܝܵܬܹ̈ܐ ܩܵܐ ܫܲܒܼܪܵܘܟܼܘܿܢ ܕܡܵܨܝܼ ܦܵܝܫܝܼ ܡܘܼܦܠܸܚܹܐ ܒܐܘܼܪ̈ܚܵܬܹܐ ܦܪ̈ܝܼܫܹܐ ܩܵܐ ܕܚܵܦܛܝܼ ܩܵܐ ܟܠܲܝܗܝ ܡܨܵܝܵܬܹ̈ܐ. ܐܸܢ ܒܸܚܫܵܒ݂ܵܐ ܝܬܘܿܢ ܕܐܲܚܬܘܿܢ ܐܵܘ ܫܲܒ݂ܪܵܘܟ݂ܘܿܢ ܩܵܘܡܵܐ ܕܣܵܢܩܝܼܬܘܿܢ ܠܚܲܕ݉ܟ̰ܵܐ ܗܲܝܲܪܬܵܐ ܙܵܘܕܵܢܬܵܐ، ܐܝܼܬ ܚܲܕ݉ ܡܸܢܝܵܢܵܐ ܡ݂ܢ ܐܘܼܖ̈ܚܵܬܹܐ ܕܡܵܛܝܼܬܘܿܢ ܠܗܲܝܲܪܬܵܐ:

• ܡܲܠܦܵܢܹ̈ܐ ܕܓܲܢܬܵܐ ܕܫܲܒܼܪܹ̈ܐ ܕܓܵܘ ܒܼܸܟܬܘܿܪܝܵܐ ܐܝܼܬܠܗܘܿܢ ܡܗܝܼܪ̈ܘܼܝܵܬܹܐ ܕܝܕܵܥܬܵܐ ܩܵܐ ܗܲܝܲܪܬܵܐ. ܗܲܡܙܸܡܘܼܢ ܥܲܡ ܡܲܠܦܵܢܵܐ ܕܫܲܒܼܪܵܘܟܼܘܿܢ ܒܘܼܬ ܒܘܼܩܵܪ̈ܵܘܟܼܘܿܢ
• ܫܩܘܿܠܘܼܢ ܚܲܕ ܘܲܥܕܵܐ ܩܵܐ ܕܚܵܙܝܼܬܘܿܢ ܐܵܣܝܵܘܟܼܘܿܢ ܝܲܢ ܝܵܨܘܿܦܬܵܐ (ܢܹܪܣ) ܕܐܸܡܗܵܝܘܼܬܵܐ ܘܕܚܘܼܠܡܵܢܵܐ ܕܫܲܒܼܪܵܐ ܩܵܐ ܕܪܵܫܬܵܐ ܕܒܘܼܩܵܪ̈ܵܘܟܼܘܿܢ.
• ܡܲܚܒܸܪܘܼܢ ܩܵܐ ܚܘܼܛܵܐ ܕܐܲܒܼܵܗܹ̈ܐ (Parentline) ܥܲܠ ܡܸܢܝܵܢܵܐ 13 2289 ܩܵܐ ܡܵܠܘܿܟܼܘܼܬܵܐ ܘܣܢܵܕܬܵܐ ܡܲܓܵܢܵܝܹ̈ܐ ܘܐ݉ܪ̈ܵܙܵܢܵܝܹܐ.

ܣܢܝܼܩܹ̈ܐ ܝܬܘܿܢ ܠܣܢܵܕܬܵܐ؟ ܩܵܐ ܕܡܲܫܟܼܚܝܼܬܘܿܢ ܒܘܼܫ ܙܵܘܕܵܐ ܒܘܼܬ ܬܲܗܵܪܹ̈ܐ ܕܣܢܵܕܬܵܐ ܕܒܲܠܟܵܐ ܐܝܼܬ ܩܵܕ݉ܡ ܐܝܼܕܵܐ ܩܵܐ ܫܲܒܼܪܵܘܟܼܘܿܢ ܪܚܘܿܫܘܼܢ ܠܫܵܘܦܵܐ: vic.gov.au/kindergarten-programs-and-initiatives. ܐܵܦ ܡܵܨܝܼܬܘܿܢ ܒܲܩܪܝܼܬܘܿܢ ܡܼܢ ܡܲܠܦܵܢܹ̈ܐ ܕܓܲܢܬܵܐ ܕܫܲܒܼܪܹ̈ܐ ܕܕܝܼܵܘܟܼܘܿܢ ܩܵܐ ܡܗܲܕܝܵܢܘܼܬܵܐ ܙܵܘܕܵܢܬܵܐ ܒܘܼܬ ܣܢܵܕܝܵܬܹ̈ܐ ܠܚܝܼܡܹ̈ܐ ܩܵܐ ܫܲܒܼܪܵܘܟܼܘܿܢ.

ܡܝܲܩܲܪܬܵܐ ܕܗܲܝܼܵܝܘܼܬܵܐ

ܡܲܪܕܘܼܝܵܬܹ̈ܐ ܕܟܘܼܪܝܼ ܝܼܢܵܐ ܚܲܕ݉ ܣܲܗܡܵܐ ܐܵܢܲܢܩܵܝܵܐ ܡ݂ܢ ܬܲܫܥܝܼܬܵܐ ܕܐܘܿܣܬܪܵܠܝܵܐ. ܚܲܦܲܛܬܵܐ ܕܟܠܲܝܗܝ ܫܲܒܼܪܹ̈ܐ ܕܝܵܠܦܝܼ ܒܘܼܬ ܟܠܲܝܗܝ ܡܲܪ̈ܕܘܼܝܵܬܹܐ ܟܹܐ ܒܵܢܝܵܐ ܦܲܪܡܵܝܬܵܐ، ܩܒܲܠܬܵܐ ܘܫܘܼܒܼܗܵܪܵܐ. ܡܲܪܕܘܼܝܵܬܹ̈ܐ ܕܐܵܒܘܼܖ̈ܝܼܓ̰ܝܼܢܵܝܹܐ ܘܕܐ݉ܢܵܫܹ̈ܐ ܕܓܵܙܲܪ̈ܝܵܬܹܐ ܕܬܘܼܪܥܬܵܐ ܕܬܘܿܪܝܼܣ ܒܸܚܵܝܵܐ ܝܢܵܐ ܘܡܲܢܬܘܿܝܹܐ ܝܢܵܐ ܐܸܕܝܘܿܡ، ܘܐܝܼܬܠܲܢ ܫܘܼܒ݂ܗܵܪܵܐ ܕܡܙܲܝܸܚܲܚ ܠܗ݉ܘܿܢ ܐܲܝܟ݂ ܣܵܝܘܿܡܹ̈ܐ ܘܐܲܡܵܢܹ̈ܐ ܓܵܘ ܟܲܪܡܘܼܟ݂ܝܵܬܹ̈ܐ. ܠܐܲܟ݂ܵܐ ܝܼܢܵܐ ܚܲܕ݉ܟܡܵܐ ܡ݂ܢ ܥܵܒ݂ܘܿܕ̈ܘܼܝܵܬܹܐ ܕܟܹܐ ܗܲܝܸܪܝܼ ܠܫܲܒ݂ܪܵܘܟ݂ܘܿܢ ܝܵܠܹܦ ܒܘܼܫ ܙܵܘܕܵܐ ܒܘܼܕ ܡܲܪܕܘܼܝܵܬܹ̈ܐ ܘܡܣܲܦܝܵܢܘܼ̈ܝܵܬܹܐ ܕܟܘܼܪܝܼ.

• ܝܠܘܿܦܘܼܢ ܖܸ̈ܡܙܹܐ ܕܟܘܼܪܝܼ ܩܵܐ ܡܸܢܕܝܵܢܹ̈ܐ ܐܵܘ ܚܲܝܘܵܬܹ̈ܐ
• ܗܲܡܙܸܡܘܼܢ ܒܘܼܕ ܡܗܲܕܝܵܢܹ̈ܐ ܕܟܘܼܪܝܼ، ܕܲܪܵܖܹ̈ܐ ܕܐܵܬܠܹܝܛܘܼܬܵܐ ܐܵܘ ܐܲܡܵܢܹ̈ܐ
• ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܕ ܡܲܪܕܘܼܝܵܬܹ̈ܐ ܘܐ݉ܢܵܫܹ̈ܐ ܕܟܘܼܪܝܼ

ܟܹܐ ܝܵܕܥܝܼܬܘܿܢ ܗܘܵܐ؟ ܫܵܘܦܵܐ ܐܸܠܸܟܬܪܘܿܢܵܝܵܐ ܕܫܵܘܬܵܦܘܼܬܵܐ ܕܝܘܼܠܦܵܢܵܐ ܐܵܒܘܿܝܖ̈ܝܼܼܓ̰ܝܼܢܵܝܵܐ ܕܒ݂ܝܼܟܬܘܿܪܝܵܐ ܐܝܼܬܠܹܗ ܥܵܒ݂ܘܿܕܘܼܝܵܬܹ̈ܐ ܡܲܚܡܸܠܵܢܹ̈ܐ ܘܫܲܪܸܟܵܢܹ̈ܐ ܕܟܹܐ ܨܲܚܨܝܼ ܠܡܲܪܕܘܼܝܵܬܹ̈ܐ ܘܡܣܲܦܝܵܢܘܼܝܵܬܹܐ ܕܟܘܼܪܝܼ. ܪܚܘܿܫܘܼܢ ܠܫܵܘܦܵܐ ܐܸܠܸܟܬܪܘܿܢܵܝܵܐ ܥܲܠ: vaeai.org.au.

ܦܘܼܠܚܵܢܵܐ ܐܲܡܢܵܝܵܐ ܕܐܵܒܘܿܖ̈ܝܼܓ̰ܝܼܢܵܝܹܐ

ܥܸܕܵܢܵܐ ܝܼܠܵܗ̇ ܒܠܲܝܠܹܐ ܓܵܘ ܓܸܢܕܝܼܓ̰ܡܵܪܵܐ ܡܝܼܪܸܢܓ (ܐܲܬܪܵܐ)܇ ܣܲܗܪܵܐ ܘܪܲܒܵܐ ܟܵܘܟ݂ܒܹ̈ܐ ܡܲܒܪܘܿܩܹܐ ܝܢܵܐ ܓܵܘ ܫܡܲܝܵܐ.

ܫܵܘܦܵܢܹ̈ܐ ܕܐܲܩܠܹ̈ܐ ܕܟܵܪܵܝܢ (ܟܲܢܓܵܪܘܼ) ܝܼܢܵܐ ܦܪܝܼܣܹ̈ܐ ܓܵܘ ܟܠܵܗ̇ ܡܝܼܪܝܼܢܓ. ܚܲܕ݉ܟܡܵܐ ܓܵܗܹ̈ܐ ܡܵܨܝܼܬܘܿܢ ܚܵܙܝܼܬܘܿܢ ܟܵܪܵܝܢ ܒܸܢܕܵܝܵܐ ܐܵܘ ܒܹܐܟ݂ܵܠܵܐ ܓܸܠܵܐ.

ܘܝܼܢܓܟܝܼܠ (ܟܘܼܘܵܠܵܐ) ܝܼܠܹܗ ܩܝܼܡܵܐ ܘܕܒ݂ܝܼܩܵܐ ܒܚܲܕ݉ ܦܲܥܘܵܐ ܕܐܝܼܠܵܢܵܐ ܕܫܘܼܘܸܠܬܵܐ ܣܡܘܿܩܬܵܐ ܕܢܲܗܪܵܐ. ܐܵܗܵܐ ܐܝܼܠܵܢܵܐ ܝܼܗܘܵܐ ܡܘܿܦܠܸܚܵܐ ܩܵܐ ܒܪܵܝܬܵܐ ܕܡܸܢܕܸܝܵܢܹ̈ܐ ܐܲܝܟ݂ ܣܸܬܵܖܹ̈ܐ، ܘܟܵܠܵܟܹ̈ܐ ܘܟܘܼܠܵܡܘܿܢܣ (ܟܵܠܵܟ ܕܐܵܒܘܿܖ̈ܘܼܓ̰ܝܼܢܵܝܹܐ).

ܐܲܪܥܵܐ، ܫܡܲܝܵܐ، ܡܲܝ̈ܵܐ ܘܚܲܝܘܵܬܹ̈ܐ ܝܼܢܵܐ ܐܵܢܲܢܩܵܝܹ̈ܐ. ܕܟ݂ܘܿܪܘܼܢ ܕܡܝܲܩܪܝܼܬܘܿܢ ܠܗ݉ܘܿܢ.

ܢܵܟܝܵܐ ܟܵܐܕ ܝܼܠܵܗ ܚܕܵܐ ܒܲܟ݂ܬܵܐ ܕܓܲܢܕܝܼܬܓ̰ܡܵܪܵܐ، ܝܘܿܪܬܵܐ ܝܘܿܪܬܵܐ، ܕܓ̰ܵܐ ܕܓ̰ܵܐ ܘܘܼܪܵܢܓ، ܒܵܢܢܝܼܬܓ̰، ܒܘܼܢ ܘܘܿܪܵܢܓ ܘܬܘܿܢܓܵܪܵܢܓ. ܢܵܟܝܵܐ ܝܼܠܵܗ̇ ܚܕܵܐ ܝܸܡܵܐ، ܐܲܡܵܢܬܵܐ ܡܵܪܬܵܐ ܕܚܲܕ݉ ܒܸܣܢܝܼܣ ܙܥܘܿܪܵܐ ܕܒܘܼܫ ܙܵܘܕܵܐ ܡ݂ܢ ܣܸܪܛܹ̈ܐ ܘܐܝܼܬܠܵܗ̇ ܚܘܼܒܵܐ ܕܬܸܪܘܵܝܗܝ ܩܦܵܝܬܵܐ ܘܫܲܪܲܟܬܵܐ ܕܬܘܼܢܵܝܹ̈ܐ ܒܐܘܼܪܚܵܐ ܕܐܘܼܡܵܢܘܼܬܵܐ.

ܒܲܩܪܘܼܢ: ܡܵܢܝܼ ܝܢܵܐ ܡܵܖ̈ܵܘܵܬܹܐ ܐܲܨܠܵܝܹ̈ܐ ܕܐܲܪܥܵܐ ܕܒܸܚܵܝܵܐ ܝܬܘܿܢ ܘܒܝܼܠܵܦܵܐ ܝܬܘܿܢ ܘܛܲܐܘܿܠܹܐ ܝܬܘܿܢ ܥܲܠܵܗ̇؟ ܐܝܼܡܲܢ ܕܝܼܬܘܿܢ ܠܒܲܕܲܪ، ܡܘܿܕܝܼ ܒܸܚܙܵܝܵܐ ܝܬܘܿܢ، ܒܸܢܫܵܡܵܐ ܝܬܘܿܢ ܘܒܸܫܡܵܥܵܐ ܝܬܘܿܢ؟